«Жолаушыларды облысаралық қалааралық, ауданаралық (облысішiлiк қалааралық) және халықаралық қатынаста автобустармен, шағын автобустармен тұрақты емес тасымалдау, сондай-ақ жолаушыларды халықаралық қатынаста автобустармен, шағын автобустармен тұрақты тасымалдау қызметімен айналысу құқығына лицензия беру» мемлекеттік қызметі

Мемлекеттік қызмет: Жолаушыларды облысаралық қалааралық, ауданаралық (облысішiлiк қалааралық) және халықаралық қатынаста автобустармен, шағын автобустармен тұрақты емес тасымалдау, сондай-ақ жолаушыларды халықаралық қатынаста автобустармен, шағын автобустармен тұрақты тасымалдау қызметiмен айналысу үшін лицензия беру

Ұйымдастыру сипаты бойынша жолаушылар мен багажды автомобильмен тасымалдау тұрақты және тұрақты емес болып бөлінеді.

Жолаушылар мен багажды автомобильмен тұрақты тасымалдау – тасымалдаушылар автобустарды, шағын автобустарды, троллейбустарды пайдалана отырып, алдын ала келiсiлген жол жүру маршруттары, бастапқы және соңғы пункттерi, жолаушыларды отырғызу және түсiру пункттерi белгiленген қозғалыс кестелерi бойынша жүзеге асыратын тасымалдар.

Тұрақты емес тасымалдар:

1. Жеке және заңды тұлғалардың бір жолғы тапсырысы (өтінімі) бойынша тасымалдар. Мұндай тасымалдауға: туристік, экскурсиялық, іс-шараларға қызмет көрсету жатады. Бір жолғы тасымалдау белгілі бір кезең ішінде шарттық негізде жүзеге асырылуы мүмкін.
2. Такси тасымалы.

Қызметті қалай алуға болады: Онлайн.

Сіз қызметті портал арқылы ала аласыз:

1. «Онлайн тапсырыс беру» батырмасын басыңыз, содан кейін жаңа терезеде электрондық лицензиялау» порталы ашылады;
2. «Электрондық лицензиялау» порталында авторизациядан өтіңіз немесе тіркеліңіз;
3. «Электрондық лицензиялау» порталының бетінде «Қызметке онлайн тапсырыс беру» батырмасын басыңыз;
4. Электрондық сұрау салу жолдарын толтырыңыз;
5. Өтінімге электрондық цифрлық қолтаңбамен (ЭЦҚ) қол қойыңыз;
6. Берілген өтініштің мәртебесін Жеке кабинетте «Менің өтініштерім» бөлімінде, рұқсат алу мәртебесін «Менің рұқсат беру құжаттарым» бөлімінде, хабарлама алу мәртебесін «Менің хабарламаларым» бөлімінде қадағалауға болады.

Қызметті алушы: Жеке тұлғалар, Заңды тұлғалар.

Көрсетілетін қызмет құны:

лицензия беру - 3 АЕК;

лицензияға қосымша - тегін;

қайта ресімдеу - 0,3 АЕК;

телнұсқа беру - 3 АЕК.

Қызмет көрсету мерзімі:

лицензия беру - 5 жұмыс күні;

қайта ресімдеу - 3 жұмыс күні;

телнұсқа беру - 2 жұмыс күні.

Порталдың жұмыс кестесі: Жөндеу жұмыстарын жүргізуге байланысты техникалық үзілістерді қоспағанда, тәулік бойы.

Қызмет көрсету нәтижесі

Жолаушыларды облысаралық қалааралық, ауданаралық (облысішілік қалааралық) және халықаралық қатынастарда автобустармен, шағын автобустармен тұрақты емес тасымалдау, сондай-ақ жолаушыларды автобустармен тұрақты тасымалдау жөніндегі қызметпен айналысу құқығына Лицензия және (немесе) лицензияға қосымша не қайта ресімделген лицензия және (немесе) лицензияға қосымша не лицензияның және (немесе) лицензияға қосымшаның телнұсқасы микроавтобустармен не мемлекеттік қызмет көрсетуден бас тарту туралы дәлелді жауап.

Шағымды бірнеше жолмен беруге болады:

1. Электронды түрде;
2. Министрліктің атына тапсырыс хатпен;
3. Министрліктің кеңсесіне қолма-қол.

Егер Сіз берген шағымға алған жауап Сізді қанағаттандырмаса, онда сіздің мемлекеттік қызметтер көрсету сапасын бағалау және бақылау жөніндегі уәкілетті органның мекенжайына шағым беруге, сондай-ақ сотқа жүгінуге құқығыңыз бар.