Шетелде жүрген ҚР азаматтары төлқұжатты қалай рәсiмдей алады

Егер сiз шетелде оқып жатсаңыз, жұмыс iстесеңiз немесе тұрып жатсаңыз және ҚР азаматының төлқұжатын алу/ауыстыру қажет болса, оған бола Қазақстанға қайтудың қажетi жоқ. Ол үшiн сол елдегi ҚР елшiлiгiне немесе консулдығына хабарласып, келесi құжаттарды ұсынсаңыз болғаны:

• өтiнiш;
• жеке басын куәландыратын құжат:
  төлқұжатты ауыстыру үшiн — ҚР азаматының төлқұжаты;
  16 жасқа толмаған болса — туу туралы куәлiк, ата-анасының бiрiнiң жеке басын куәландыратын құжаты мен екiншiсiнiң нотариалды рұқсаты;
• өлшемi 3,5х4,5 түрлi-түстi 4 фотосурет;
• тұрақты тұру, оқу, шетелде жұмыс iстеу фактiсiн, отбасы жағдайын растайтын, медициналық анықтама (түпнұсқа және көшiрме);
• консулдық төлем түбiртегi.

Бұл қызмет түрi ҚР Цифрлық даму, Iшкi iстер және Сыртқы iстер министрлiктерiнiң бiрлескен жұмысының арқасында қолжетiмдi болды.

Қызмет көрсету мерзiмi — 80 күнтiзбелiк күн.

«Азаматтарға арналған үкiмет»
мемлекеттiк корпорациясы» КЕ
АҚ СҚО бойынша баспасөз
қызметi