2021 жылғы 24 маусымда Қазақстан Республикасы Президентінің жанындағы Мемлекеттік басқару академиясының Солтүстік Қазақстан облысы бойынша филиалы Айыртау және Тимирязев аудандарының аудандық сайлау комиссияларының мүшелері, учаскелік сайлау комиссияларының төрағалары мен хатшылары үшін ZOOM платформасында Online Module семинар өткізді. Семинарды Тимирязев аудандық сайлау комиссиясының төрағасы С.Қ. Байдалина жүргізді. Семинар тақырыбы: «ҚР аудандық маңызы бар қалалардың, ауылдардың, кенттердің, ауылдық округтердің әкімдерін сайлау: сайлау процесінің құқықтық негіздері және сайлау комиссияларының жұмысын ұйымдастыру».
Семинар жұмысына 103 адам қатысты.
Семинардың мақсаты: сайлау процесінің құқықтық негіздері туралы білімді кеңейту, ҚР аудандық маңызы бар қалалар, ауылдар, кенттер, ауылдық округтер әкімдерінің сайлауын өткізу кезінде сайлау комиссияларының жұмысын ұйымдастырудың ерекшеліктерін ашу.
Семинар қорытындысы бойынша тестілеу өткізіліп, сертификаттар табысталды.