Бiрыңғай жинақтаушы зейнетақы қоры тұрғындарды Қор қызметтерi, жинақтаушы зейнетақы жүйесi, зейнетақы заңнамасындағы өзгерiстер, дербес зейнетақы жинақтарын қалыптастыру, зейнетақы активтерiн басқару жөнiндегi қызмет нәтижелерi туралы үнемi хабардар етiп, олардың қаржылық сауаттылығын арттыруға бағытталған ауқымды ақпараттық-түсiндiру жұмыстары шеңберiнде қаржы журналистикасы мектебiн биыл бесiншi рет өткiздi.
Мектептiң мақсатты аудиториясы — журналистер, блогерлер мен журналистика факультетiнiң студенттерi. Себебi, олар БЖЗҚ-ға ақпараттық түсiндiру жұмыстарын жүргiзуге белсендi түрде көмек көрсетiп келедi.
Биылғы iс-шара коронавирус iндетiне байланысты онлайн пiшiмде өттi. Соған қарамастан онлайн-мектепке 60-тан астам қазақ және орыс тiлдi баспасөз өкiлдерi жиналды.
Қаржы журналистикасы мектебi бағдарламасында қатысушыларға түрлi тақырыптар бойынша оқыту модульдерi ұсынылды. Олар: Қазақстанның зейнетақы жүйесi және «БЖЗҚ» АҚ қызметi, қазақстандық жинақтаушы зейнетақы жүйесiнiң ерекшелiктерi; жеке зейнетақы шотын ашудан бастап төлемдердi рәсiмдеуге дейiнгi зейнетақы жинақтары; зейнетақы калькуляторының көмегiмен болжамды зейнетақыны жоспарлау және есептеу; Қазақстандағы демографиялық үрдiстер және олардың экономикаға әсерi; Қордың халықтың қаржылық сауаттылығын арттыруға бағытталған ақпараттық-түсiндiру жұмыстары және т. б. Сонымен қатар Қазақстан Республикасының Ұлттық банкiмен бiрлесiп, «БЖЗҚ зейнетақы активтерiн басқару жөнiндегi ақпарат» атты тақырып та талқыланды.
БЖЗҚ мамандары дәрiс беру барысында мектепке қатысушылардың күрделi қаржылық көрсеткiштер мен статистикалық деректердi жеткiлiктi түсiнулерiне көмектесiп, зейнетақы төлемдерi мен жинақтар төңiрегiндегi түрлi мәселелер бойынша ақыл-кеңестерiмен бөлiстi. Сондай-ақ, жинақтаушы зейнетақы жүйесi туралы көптеген сауалдарға жауап бердi. Ал мұның бәрi олардың шынайы әрi тартымды журналистiк материалдар жазуларына қолғабыс тигiзерi анық.
БЖЗҚ 2013 жылғы 22 тамызда «ГНПФ» ЖЗҚ» АҚ негiзiнде құрылды. БЖЗҚ құрылтайшысы және акционерi — Қазақстан Республикасы Қаржы министрлiгiнiң «Мемлекеттiк мүлiк және жекешелендiру комитетi» ММ арқылы Қазақстан Республикасының Үкiметi. БЖЗҚ зейнетақы активтерiн сенiмгерлiкпен басқаруды Қазақстан Республикасының Ұлттық Банкi жүзеге асырады. 2016 жылғы 1 қаңтардан бастап зейнетақы активтерiн басқару тиiмдiлiгiн арттыру бойынша ұсыныстар жасау қызметi Қазақстан Республикасының Президентi басшылық ететiн Ұлттық қорды басқару кеңесiне берiлдi. Зейнетақы заңнамасына сәйкес БЖЗҚ мiндеттi зейнетақы жарналарын, мiндеттi кәсiптiк зейнетақы жарналарын, ерiктi зейнетақы жарналарын тартуды, зейнетақы төлемдерiн, зейнетақы жинақтары мен төлемдерiн жеке есепке алуды жүзеге асырады, салымшыға (алушыға) зейнетақы жинақтарының жай-күйi туралы ақпарат бередi (толығырақ www.enpf.kz сайтында).