«Солтүстік Қазақстан облысы Тимирязев ауданы әкімдігінің жұмыспен қамту және әлеуметтік бағдарламалар бөлімі» КММ негізгі қызметі еңбек қатынастары, жұмыспен қамтуды қамтамасыз ету және әлеуметтік бағдарламаларды іске асыру саласындағы басшылық болып табылады. Бөлімнің негізгі міндеттері: жұмыс іздеуде қиындықтарға тап болған адамдарды жұмыспен қамтуға ықпал ететін іс-шараларды жүзеге асыру; жаппай жұмыссыздықтың алдын алу және ұзақ мерзімді жұмыссыздықты қысқарту; тұрақты және нәтижелі жұмыспен қамтуға жәрдемдесу; өмірлік қиын жағдайда жүрген адамдарға арнаулы әлеуметтік қызметтер көрсету; аз қамтылған азаматтарға көрсетілетін әлеуметтік көмектің атаулылығы мен тиімділігін күшейту; біліктілігі мен кәсіби деңгейін тұрақты арттыру; бюджет қаражатын пайдаланудың тиімділігін қамтамасыз ету. Сондай-ақ бөлімнің функцияларына: халықты жұмыспен қамту орталығының жұмысын үйлестіру, оған әдістемелік және практикалық көмек көрсету; Еңбек нарығының мониторингі; кадрларды даярлау және оларды жұмысқа орналастыру қажеттілігін айқындау; жұмыс күшінің бір бөлігін талдау, сұраныс болжамы және ұсыну, жергілікті атқарушы органды ауданның еңбек нарығының жай-күйі туралы хабардар ету кіреді.