Мемлекеттік қызметтерді көрсету орындарында мүмкіндіктері шектеулі адамдарға жағдай жасау бойынша әлеуметтік маңызы бар объектілерді қоғамдық бақылау

Қызмет алушылардың көрсетілетін қызметті берушілердің мемлекеттік қызмет көрсету сапасына, қолжетімділігіне және рәсімдеріне қанағаттану деңгейін анықтау, сондай-ақ Мемлекеттік қызмет көрсету кезінде проблемалық мәселелерді анықтау мақсатында "Nur Otan" партиясы филиалының бірінші орынбасары М. Ж. Хамзинмен, Тайынша ауданы әкімдігінің жанындағы мүгедектер істері жөніндегі үйлестіру кеңесінің мүшесімен бірлесіп әлеуметтік маңызы бар объектілерге бару бойынша қоғамдық бақылау жүргізілді.

"Мемлекеттік көрсетілетін қызметтер туралы" 2013 жылғы 15 сәуірдегі № 88-V Қазақстан Республикасы Заңының 5-бабына сәйкес көрсетілетін қызметті берушілер мүмкіндігі шектеулі адамдардың мемлекеттік көрсетілетін қызметтерді алуы кезінде оларға қажетті жағдайлар жасауға міндетті.

Ағымдағы жылдың 21 ақпанында "СҚО Тайынша ауданы Тайынша қаласы әкімінің аппараты" КММ ғимаратында халықтың қауқары аз топтары үшін жасалған жағдайлар бойынша қоғамдық бақылау жүргізілді.

Қоғамдық бақылау барысында мемлекеттік орган ғимаратында халықтың қауқары аз топтары үшін қажетті жағдайлар жасалғаны анықталды.:

• аумақ тегіс, аумаққа кіру тегін;
• іргелес аумақта автотұрақ бар, мүгедектердің автокөліктерін қоятын орын бөлінген, арнайы белгімен белгіленген;
• көрсетілетін қызметті берушінің атауы бар маңдайша көрнекі жерде орналасқан;
• халыққа мемлекеттік қызметті кедергісіз алуға мүмкіндік беретін өзіне-өзі қызмет көрсету бұрышы жұмыс істейді;
• шағымдар мен ұсыныстар кітабы, ҚР Мемлекеттік қызмет істері Агенттігі Департаментінің сенім телефоны бар.

Мониторинг барысында бір бұзушылық анықталды: көру қабілеті бұзылған адамдарға арналған мемлекеттік мекеме туралы ақпаратқа қол жетімділік болмады, атап айтқанда тактильді (дөңес) қаріппен немесе Брайль қарпімен жасалған маңдайша жазулар (мамандардың айтуы бойынша тактильді тақта дайындалуда, өйткені алдыңғысы пайдалануға жарамсыз болды).

Жоғарыда баяндалғанды негізге ала отырып, мемлекеттік органның басшысына 2022 жылғы 01 наурызға дейін тактильді (дөңес) қаріппен не Брайль қарпімен орындалған ұйым атауының маңдайшаларын сатып алу және орнату ұсынылды.