Тайынша ауданы Солтүстiк Қазақстан облысының орталық бөлiгiнде, Батыс-Сiбiр ойпатының қиыр оңтүстiгiнде орналасқан.
1997 жылдың 2 мамырында Красноармейск (1934 ж. құрылған), Келлер (1936 ж. құрылған) және Чкалов (1939 жылы құрылған) аудандарын бiрiктiру жолымен құрылған.
1936-1944 жылдар аралығында Красноармейск ауданы Солтүстiк Қазақстан облысының құрамына, ал 1944 жылдан бастап Көкшетау облысының құрамында болған.
1997 жылдан бастап бiрiктiрiлген Тайынша ауданы қайтадан Солтүстiк Қазақстан облысының құрамында.
Әкiмшiлiк орталығы — Тайынша қаласы. Аудан халқы — 47,2 мың адам, оның iшiнде Тайынша қаласында 11,4 мыңнан астам адам тұрып жатыр. Ауданның аумағы 11,4 мың шаршы километрдi құрайды.
Ауданда 18 селолық округ, 1 қала, 89 елдi мекен бар.
Көрнектi орындар
Тайынша ауданында 90 тарихи-археологиялық ескерткiштер орналасқан.
Ауданда мемлекеттiк есепте 44 археологиялық ескерткiштер тұр, олар жаңа табылған және 2006 жылына көп қабаттылардың есебiмен ескерткiштердiң саны 88. Тiзiмдiк есепте 44 ескерткiш тұр.
Мезолит дәуiрiнiң тұрақтары — 2
Неолит дәуiрiнiң тұрақтары — 25
Энеолит дәуiрiнiң тұрақтары — 2
Қола дәуiрiнiң қоныстары — 9
Қола дәуiрiнiң молалары — 8
Ерте темiр ғасырының молалары — 10
Ерте темiр ғасырының қорғандары — 24
Орта ғасыр дәуiрiнiң молалары — 8