Солтүстік Қазақстан облысының орман шаруашылықтары бойынша 2024 жылғы өрт қауіпті маусымының қорытындысы

2024 жылғы өрт қауіпті маусым басталғанға дейін орман шаруашылығы бойынша өртке қарсы техника мен жабдықтар жауынгерлік әзірлікке келтірілді, өрт сөндірушілер, диспетчерлер және басқалар саны жасақталды.

Рейдтік іс-шаралар жоспарына сәйкес ормандарды патрульдеу маршруттары бекітілді, мобильді топтар мен орман өрттерін сөндіру басшыларының құрамы қалыптастырылды, өртке қарсы іс-шараларды өткізу жоспарлары әзірленді, өрт қауіпті маусымға орман өрттерінің алдын алу және сөндіру жөніндегі құралдар дайындалды.

Облыс аумағындағы өрт жағдайының мониторингі орман күзетімен жерүсті патрульдеу, сондай-ақ өрт-бақылау мұнараларынан және «Орман күзетшісі» орман қорына интерактивті бейнемониторинг жүйесінен жүзеге асырылды.

2024 жылы орман өрттері басқармасының қарамағындағы мемлекеттік орман қоры жерлерінде тіркелмеген.

Талдау көрсеткендей, патрульдеу бойынша іс-шаралар санының артуы, тұрақты үгіт-түсіндіру жұмыстары арқасында орман өрттерінің алдын алуға мүмкіндік туды

Өрт қаупі бар маусым бойы орман қоры аумағында ормандарда 1 015 рейд жүргізілді.

Орман қорына қауіп төндіретін 7 өрт тіркелді, жойылды және уақтылы оқшауланды. Мемлекеттік орман күзетінің қызметкерлері өрт қауіпсіздігі ережелерін бұзғаны үшін 38 хаттама толтырды, 1 015,3 мың теңге сомасына 38 әкімшілік айыппұл салынды, 1 015,3 мың теңге өндірілді (100%).

2024 жыл ішінде орман өрттерімен күресудің алдын алу шаралары:

• 984,5 км минералданған жолақтардың құрылысы;
• 25 456 км минералданған жолақтарға күтім жасау жүргізілді.

108 мақала жарияланды, теледидардан 7 сөз сөйледі, 3 137 парақшалар таратылды, өрт қауіпсіздігі мәселелері бойынша 475 дәріс өткізілді. Автомобиль жолдарының бойында 96 демалыс орны жабдықталды, байланыс телефондары көрсетілген 1 273 ақпараттық аншлаг қойылды, шаруашылық жүргізуші субъектілерге 730 жадынама берілді.