Көктемгi орман дақылдары жұмыстары
«Қызылжар орман шаруашылығы» КММ ағымдағы жылдың сәуiр айында 27,6 га алқапқа Колесов құрылғысын қолдана отырып, қол әдiсiмен кәдiмгi қарағай ағаштарын, сондай-ақ 6,6 га алқапқа қотыр қайың ағаштарын отырғызуға кiрiстi.
2020 жылға 65,0 га көлемiнде орман екпелерiн отырғызу, сондай-ақ 122,1 га орман екпелерiн толықтыру жоспарланған. Орман дақылдарын толықтыру жүргiзiледi, өйткенi орман дақылдары алқабына отырғызылған өсiмдiктер алғашқы 1-2 жылда ортаның жаңа жағдайларына бейiмделедi және қазу кезiнде зақымдалған тамыр жүйесiн қалпына келтiредi. Кейбiр өсiмдiктер жерсiнбейдi, осыған байланысты орман екпелерiн толықтыру — қураған өсiмдiктер болған жерлерде отырғызуды немесе себудi жүргiзедi. Толықтыру қажеттiлiгi күзгi түгендеу кезiнде олардың орман екпелерiнiң жерсiнуi анықталғаннан кейiн белгiленедi.
Жерсiну — бұл ағаштар мен бұталар орналасқан отырғызу орындары санының есепке алынған отырғызу немесе егу орындарының жалпы санына %-бен қатынасы арқылы анықталатын мөлшер. Жерсiнуi 25%-дан төмен дақылдар қураған деп саналады және оларды толықтырмайды. Жерсiнуi 25-80%-ға дейiн жететiн екпелер толықтырылады, егер жерсiнуi 25%-дан төмен болса, дақылдар қураған деп саналады. Толықтыру жұмыстары келесi жылдың көктемiнде жақсы дайындалған топыраққа дақылдар отырғызылғаннан кейiн және осы ауданда ағаш отырғызу немесе себу үшiн қабылданған мерзiмде жүргiзiледi.
Толықтыру жасы осы дақылдардың биологиялық жасына сәйкес келуi тиiс екпе көшеттермен немесе көшеттермен жүргiзген жөн.
Орман екпелерiне топырақ дер кезiнде дайындалды, МТЗ-82 тракторы iшiнара атызбен өңделдi.
Отырғызу кезiнде тиiстi стандарттардың талаптарына жауап беретiн екпе көшеттерi пайдаланылды, қажеттi нәтижелердi алу үшiн келесi шарттар сақталған:
- отырғызу материалы қазып алу, тасымалдау, көму және отырғызу кезiнде кебуден қорғалған;
- талап етiлетiн нормаларды сақтай отырып, отырғызу материалын отырғызу алдында өңдеу жүргiзiлдi (сұрыптау, тамырды кесу, топырақ быламыққа малу);
- топырақ ұқыпты дайындалған;
- тамыр жүйелерiн отырғызу және бiтеу сапалы жүргiзiлдi.
Отырғызу материалдарын дайындау Боголюбов және Теплов орманшылықтарында 291,1 дана, оның iшiнде 44,6 дана қотыр қайың, сондай-ақ 246,5 дана кәдiмгi қарағай орман қорғау күштерiмен жүргiзiлдi.
Өсiмiн молайту және орман өсiру жөнiндегi инженер
А.А. Айтишкина