«Орман – 2023» командалық-штабтық оқу-жаттығуын өткізу

2023 жылғы 27 қыркүйекте «Қызылжар орман шаруашылығы» КММ Куйбышев орманшылығының Прибрежное ауылының аумағында «Табиғи өрттердің алдын алу және жою жөніндегі басқарма органдарының, ТЖ комиссиясының іс-қимылдары» тақырыбы бойынша «Орман – 2023» командалық-штабтық оқу-жаттығуы өткізілді.

Оқу-жаттығудың мақсаты ауқымды табиғи өрттерден туындаған төтенше жағдайларды жою кезінде Солтүстік Қазақстан облысының басқарма органдары арасындағы өзара іс-қимылды пысықтау болды.

Оқу-жаттығудың негізгі міндеттері: ТЖ департаменті мен табиғи өрттерді жою жөніндегі жергілікті атқарушы органдар арасындағы өзара іс-қимыл жоспарларын нақтылау және мүдделі органдардың өзара ақпарат алмасу тәртібін пысықтау болды.

Командалық-штабтық жаттығуға мынадай күштер мен құралдар тартылды:

• СҚО Төтенше жағдайлар департаментінен - 6 қызметкер;
• СҚО ТЖД Өрт сөндіру және авариялық-құтқару жұмыстары қызметінен - 15 қызметкер (техника бірлігі);
• «ЖҚЖ» ММ құтқару бөлімшесінен - 6 құтқарушы, 1 техника бірлігі;
• «СҚО бойынша АМО» ММФ-нан - 4 адам, Газель - 1 бірлік;
• СҚО әкімдігінің табиғи ресурстар және табиғат пайдалануды реттеу басқармасынан - 20 адам, 8 бірлік техника;
• Қызылжар ауданының жергілікті атқарушы органдарынан - 12 адам, 4 бірлік техника;
• Қызылжар ауданының азаматтық қорғау қызметінен - 5 адам, 2 бірлік техника;
• Қызылжар ауданының жергілікті полиция қызметінен - 4 қызметкер, патрульдік автомобильдер - 2 бірлік;
• Қызылжар ауданының орталық аудандық ауруханасынан - 3 адам, 1 жедел жәрдем бригадасы,
• СҚ кәсіптік-педагогикалық колледжінен - 20 студент.

Табиғи өрттерді жою кезіндегі іс-қимылдарды тәжірибелік пысықтауға мыналар кірді: қызметтер арасында шөпқұрам тұтануының анықталғаны туралы хабарлау, дала өртін сөндіруді ұйымдастыру, өрттің орман алқабына көшуі және оны сөндіру, өрттің елді мекенге таралуы, халықты хабардар ету және эвакуациялау жөніндегі жұмысты ұйымдастыру, өртке ұшыраған орман алқабында адамдарды кинологиялық есептеулер арқылы іздеу.

Оқу-жаттығу қорытындысы бойынша жедел штабтың жұмылдырылған функционалдық топтармен кеңес өткізілді, оқу-жаттығуларға талдау жүргізілді және қорытындылар шығарылды.

Бұл іс-шаралар шынайы өрттерге барынша жақын табиғи өрттерді сөндіру дағдыларын пысықтау және барлық жедел қызметтердің өзара іс-қимылы үшін жүргізіледі.