Мемлекеттік қызмет – ел мүддесі үшін адал қызмет
Мемлекеттік қызмет бүкіл мемлекеттік жүйенің маңызды элементтерінің бірі болып табылады. Тиімді мемлекет халықтың өмір сүру деңгейі мен сапасын арттырып, әлеуметтік-экономикалық мәселелерді шеше алады. Мұндай ауқымдағы міндеттер мемлекеттік қызметшілердің нақты іс-әрекеттері есебінен іске асырылады.
Солтүстік Қазақстан облысы әкімдігі табиғи ресурстар және табиғат пайдалануды реттеу басқармасының орман шаруашылығы және ерекше қорғалатын табиғи аумақтар бөлімінің бас маманы Марина Геннадьевна Подоксенованың қызметі – ісіне, мемлекеттік қызметке берілгендігінің жарқын мысалы.
Осыдан жиырма алты жыл бұрын Марина Геннадьевна мемлекеттік қызметке кірді. Осы жылдар ішінде ол облысымыздың орман шаруашылығы қызметін дамытуға елеулі үлес қосты.
Орман шаруашылығы саласы ең күрделі салалардың бірі. Табиғатты сақтау және қорғау мамандығын тек төзімді және қоршаған ортаға қамқор бола алатын адамдар таңдайды. Бұл үлкен жауапкершілік пен ауыртпалық, өйткені бұл жұмыстағы ең бастысы - орман алқаптарының жойылуына жол бермеу, өлі екпелер немесе кесілген ағаш орнында, кішкентай екіжылдық көшеттен сапалы орман өсіру және екпелердің өлуіне жол бермеу, өйткені табиғат қателіктерді кешірмейді.
Ормандағы жұмыс оған балтаны ұстауды, дала өртін шартылдақпен сөндіруді және орман өртіне қарама-қарсы өрт қоюды, болашақ орман отырғызу үшін учаске таңдау үшін 20 шақырымға дейін жаяу жүруді немесе құқық бұзушыны белсенді демалысынан кейін қалдырған қоқыстан табуды үйретті. Адамдар бекер айтпаған: ауылда, ата-бабаларының жерінде туып-өскендер ең сенімді және жұмысқа қабілетті болып табылады.
«Тоғыз-құмалақ» ойынының ережелерін өз бетінше игерді және осы ойын бойынша Спартакиадалардың тұрақты қатысушысы болып табылады. Міне, Басқармада осындай ынталы адам жұмыс істейді.
Орман шаруашылығындағы еңбектегі жетістіктері үшін 2 дәрежелі «Қазақстан орманын қорғаудағы мінсіз қызметі үшін» төсбелгісімен, «Қазақстан Тәуелсіздігіне 30 жыл» мерейтойлық медалімен марапатталған, Солтүстік Қазақстан облысы әкімінің, Қазақстан Республикасы Экология және табиғи ресурстар министрлігі Орман шаруашылығы және жануарлар дүниесі комитетінің Құрмет грамоталарымен және алғыс хаттарымен бірнеше рет марапатталған.
Марина Геннадьевнаға Мемлекеттік қызметшілер күні мерекесі қарсаңында жұмыста табыс және Солтүстік Қазақстан облысының игілігі үшін жаңа жетістіктер тілейміз!