Көктемгі ормандарды қалпына келтіру жұмыстары
Қазақстан Республикасы Орман кодексінің нормаларына сәйкес орман шаруашылығы – бұл ормандарды молықтыру және орман өсіру жөніндегі іс-шараларды қамтитын экономика саласы. Орманды сақтау, пайдалану, өсіру және молықтыру орман шаруашылығының негізгі міндеттері болып табылады.
Жыл сайын сәуір айынан бастап «Есіл орман шаруашылығы» КММ-де орман дақылдары кезеңі басталады: көшет материалдарын қазу, тұқым себу, орман дақылдарын егу, питомниктің егістік және мектеп бөлімшелерінде арамшөптерді жою және суару.
2023 жылдың 17 - 26 сәуір аралығында 473 000 дана көлемінде көшет материалдары қазылды. Сондай-ақ 0,2 га алқапқа 16 кг қарапайым қарағай егілді.
2023 жылдың 2 - 15 мамыр аралығында мемлекеттік орман қорында 133 га жерге қотыр қайың отырғызылды. 399 000 көшет отырғызылды, сондай-ақ 80,9 га алқапқа орман дақылдарын толықтыру жүргізілді, 74 000 көшет отырғызылды.
«Есіл орман шаруашылығы» КММ
орманды қалпына келтіру инженері
Ю. С. Русметова
«Аққайың орман шаруашылығы» КММ-де орманды молықтыру бойынша жоспарлы жұмыстар жалғасуда. Ағымдағы 2023 жылы Президенттің 2 миллиард ағаш отырғызу жөніндегі тапсырмасын орындау шеңберінде «Аққайың орман шаруашылығы» КММ-де орман отырғызу жоспары – 357 га құрайды.
Жасалған орман дақылдарының жобалары мен орман орналастыру материалдарына сәйкес көктемде 187,6 га алқапта орман отырғызу жұмыстарын жүргізу жоспарлануда, оның ішінде: ағаштарды кесуге отырғызу – 156,6 га, орман алаңқайларында, бос жерлерде, жайылымдарда – 31,0 га. Бүгінгі таңда жұмыстар 174,1 га алаңда орындалды.
Орманды отырғызу қолмен және механикаландырылған тәсілмен, алдын ала орманмен жабылмаған мемлекеттік орман қоры учаскелеріне жүргізіледі. Орманды механикаландырылған тәсілмен отырғызу орман алаңқайларында, бос жерлерде, жайылымдарда, аспалы ағаш отырғызу машинасының (СЛН) көмегімен жүргізіледі.
Отырғызуды механикаландырылған тәсілмен жүргізу мүмкін емес учаскелерде, яғни ағаш кесілген жерлерде, отырғызу Колесов қылышы көмегімен қолмен жүргізіледі. Мұндай жұмыс қарқыны мен табиғи-климаттық жағдайлар сақталса, орман отырғызу белгіленген күнтізбелік мерзімде орындалатын болады.
«Аққайың орман шаруашылығы» КММ
орманды молықтыру және орман
өсіру жөніндегі инженері
А. И. Оразалов