Көктемгі аңшылық маусымының ашылуы!

Құрлар мен жабайы үйректердің аталықтарын аулауға рұқсат етілді (Қазақстан Республикасының Қызыл кітабына енгізілген түрлерден басқа). Аң аулау 2023 жылдың 22 сәуірде күн шапағынан басталып 6 мамырға дейін созылады.

Аң аулауды жүзеге асыру кезінде Қазақстан Республикасының аумағында қолданылатын аң аулау қағидаларын ұстану керек, оған сәйкес әуесқойлық (спорттық) аң аулау аңшыда мынадай құжаттар болған кезде жүзеге асырылады:

• аңшы куәлігі;
• аңшылық шаруашылығы субъектісінің жолдамасы;
• аңшылық атыс қаруын қолданып аң аулаған кезде — азаматтық қару мен оның патрондарын сақтау мен алып жүруге жеке тұлғаларға берілген рұқсат (2023 жылдан бастап 21 жасқа толғанда рұқсат етіледі);

• аушы жыртқыш құстармен аң аулаған кезде — аң аулайтын жыртқыш құстың паспорты.

Аңшылық шаруашылығында ұя салатын үйректердің аталығын, көктемгі аң аулауды жүргізу кезінде жыныстық жағынан өзгеруі анық байқалатын үйректердің аталық түрлерін олжалауды аңшы алдамшы үйрек немесе тұлып болған кезде жүзеге асырады.

Аң аулау қағидаларында көрсетілген кейбір тыйымдарды есте ұстаған жөн, оларға сәйкес мына жағдайларда:

• елдi мекендердiң жерлерiнде, сондай-ақ олармен iргелес аумақтарда аң аулау ережелерiне сәйкес аңшылық атыс қаруын қолдану қауiпсiздiгi қамтамасыз етiлмейтiн қашықтықта;
• уәкiлеттi органның рұқсатынсыз өнеркәсiп, көлiк, байланыс, қорғаныс жерлерiнде;
• жануарлар дүниесін пайдалануға арналған рұқсатта немесе жолдамада көрсетілген жануарлар санынан асырып;
• жолдамада көрсетілмеген жануарлардың басқа түрлерін;
• тыныштық сақтау аймақтарында және өсiмiн молайту учаскелерінде аң аулауға тыйым салынады.

Сонымен қатар, аңшылық шаруашылығына зиян келтіретін қарғалар, сауысқандар, тағандар мен қаңғыбас иттер сияқты құстар мен жануарларды аулау жануарлардың басқа түрлерiн аулау (авиа-, автомото-, көлік құралдарын, оның ішінде қарда жүретін техниканы қолданбай) аң аулауға берілген жануарлар дүниесін пайдалану рұқсаты қолданылатын аңшылық шаруашылығы субъектісінің аумағында жүргізілген кезде жануарлар дүниесін пайдалануға берілген рұқсат талап етiлмейдi.

Аңшылық алқаптарда болған кезде қоқыс қалдырмау керек, сонымен қатар өртке қарсы қауіпсіздік ережелерін сақтау қажет.