Еңбек бәсекелестiгi — болашақтың перспективасы
Орман саласының үздiк жас маманы байқауының қорытындысы шығарылды. Құрамына СҚО табиғи ресурстар және табиғат пайдалануды реттеу басқармасының өкiлдерi, кәсiподақ комитетi, орман саласының ардагерлерi енген, орман мекемелерiнiң ведомствосы құрған құзыреттi комиссия байқаудың негiзгi шарттарын ашып көрсететiн, бағалау критерийлерiне сәйкес байқаудың жеңiмпаздарын анықтады.
Ұпай саны бойынша бiрiншi орынды бiздiң әрiптесiмiз — «Қызылжар орман шаруашылығы» Теплов орманшылығының орман шеберi Тiлеген Тiлепбергенұлы Құсайынов иелендi.
Қызметкердiң еңбек жолы 2012 жылғы қаңтардан басталған, орман шаруашылығына 2014 жылғы тамыз айында келдi, еңбек қызметi — қарапайым қызметтiк көлiк жүргiзушiсi лауазымынан басталды, 5 жыл iшiнде осы салада көп нәрсенi меңгердi, жүйелi iссапар, рейдтер, браконьерлермен жұмыс және т.б. Жүргiзушiге күнделiктi жұмысында қажеттi белгiлi бiр тәжiрибеге ие болды: бұл жұмыс жағдайында көлiктiң уақтылы жұмыс iстеуiн қамтамасыз ету, облыстың жол бағыттарын бiлу, қызметтiк тапсырмаларды нақты орындау. 2019 жылы «Ж. Қизатов атындағы жоғары ауылшаруашылық колледжi» КМҚК аяқтағаннан кейiн «Орман шеберi» мамандығын алды, содан кейiн 2019 жылдың қыркүйек айында «Қызылжар орман шаруашылығы» КММ-ге жұмысқа орналасты, онда 2 ай механик болып жұмыс iстеп, орман шеберi лауазымына ауысты және бүгiнгi күнге дейiн Теплов орман шаруашылығында жұмыс iстейдi, келесi жылы көктемде Көкшетау қаласының университетiнде орман шаруашылығы мамандығы бойынша оқуын аяқтайды.
Көп балалы отбасында өскен, алты баланың кенжесi — Тiлеген, анасы кенже баласы Тiлегенмен тұрады. Отбасы жағдайы: үйленген, 3 баласы бар, қызы Томирис — 7 жаста, ұлдары: Тайыр — 3 жаста, Төреханға — 8 ай. Жұбайы өзiнiң бiр партада отырған сыныптасы.
Бұл жеңiс орман шаруашылығы саласындағы табанды ұзақ еңбектiң, ұмтылыс пен шыдамдылықтың дәлелi, қол жеткiзген жетiстiктерiмен тоқтап қалмай, Тiлеген барлық қиыншылықтарды еңсере отырып, сенiмдi түрде алға ұмтылуда.
Осы конкурсқа қатысқан жарқын және креативтi жастар кәсiби салада жаңа сындарлы идеялар мен дана шешiмдер қабылдап, көптеген жеңiстер мен жетiстiктерге қол жеткiзе алады.
Бiз жастардың белсендi өмiрлiк ұстанымы, жинақталатын өмiрлiк тәжiрибесi, бiлiм деңгейi және қабылданатын шешiмдердiң салмақтылығы алдағы уақытта да ең керемет жоспарлар мен бастамаларды табысты iске асыруға ықпал ететiнiне сенемiз!
Мереке қарсаңында «Орман саласының ең үздiк жас маманы» байқауының жеңiмпаздары мен барлық қатысушыларына, әрiптестерге денсаулық, бақыт, береке-бiрлiк, игiлiк, еңбекте үлкен жетiстiктерге жетулерiне тiлектеспiз.
«Қызылжар орман шаруашылығы» әкiмшiлiгi