Өскелең ұрпаққа экологиялық тәрбие беру
Адам табиғатпен мыңдаған көрiнбейтiн, бiрақ күштi желiлермен байланысты, ол онсыз өмiр сүре алмайды. Табиғатпен достықтың әртүрлi жолдары бар және осы жолдардың бiрi — мектеп орман шаруашылықтары.
Қазақстан Республикасы бойынша Орман кодексiнiң 13 бабымен «Мектеп орманшылығын ұйымдастыру және оның жұмыс iстеу қағидалары» бекiтiлдi.
Өскелең ұрпақты экологиялық тәрбиелеу бүгiнгi таңда басым бағыт болып табылады. Қазiргi жағдайда тек информатика немесе экономика туралы бiлiп қана қоймай, экологиялық мәселелердi де түсiну керек. Қоршаған әлем туралы бiлiм азаматтық ұстанымды, табиғатқа деген сүйiспеншiлiктi және қабылданған шешiмдер үшiн жауапкершiлiктi және қоғам туралы дұрыс көзқарасты, салауатты өмiр салтын қалыптастыруға ықпал етедi.
Мектеп орманшылығы — бұл бiр iске-табиғатты зерттеуге, орман өсiмдiктерiн өсiруге және отырғызуға, орман учаскелерiн қорғауға, орманшылықтарға орманды қорғауға және абаттандыруға көмек көрсетуге әуес оқушылардың бiрлестiгi. Бұл сонымен қатар биология, география, экология және басқа да ғылымдар бойынша бiлiм алудың тәсiлi. Мектеп орманшылықтарында жұмыс iстей отырып, оқушылар өз жұмыстарының нәтижелерiн көредi, бұл көптеген адамдарға болашақ мамандығын таңдауға көмектеседi.
Қазiргi уақытта түлектердiң көпшiлiгi ересек өмiрге енгенге дейiн өздерiнiң болашақ мамандығын да, мектепте алған бiлiмдерiн қоса алатын саланы да елестете алмайды.
Бiздiң облыста 12 мектеп орманшылығы жұмыс iстейдi: Аққайың ауданындағы Астраханка орта мектебi, Ғ. Мүсiрепов ат. ауданындағы Рузаевка орта мектебi, М. Жұмабаев ауданындағы №2 Булаев орта мектебi, Қызылжар ауданындағы Боголюбов орта мектебi және т.б.
Тiптi өзiн-өзi шектеу жағдайында балалар қызықты және пайдалы акциялар өткiздi және ормандардың игiлiгi үшiн көп жұмыс жасады, жас ағаштар отырғызды, қоқыстарды жинады, үгiт-насихат және түсiндiру науқандарын өткiздi.
Сонымен қатар, жыл сайын көктемде облысымыздың қалалық және аудандық ормандарында «Таза орман» экологиялық акциялары өткiзiледi. Соңғы 3 жылда ормандарды жинауға мектеп орманшылықтарына қатыспайтын балалар да қосылды.
2021 жылына 12 мемлекеттiк орман шаруашылығы оқу орындарымен бiрлескен жұмыс жүргiзу бойынша шарттар жасады. Жоспарлар қабылданды, iс-шаралар белгiленiп, iс-шараларды өткiзу мерзiмдерi бекiтiлдi.
Орман шаруашылығының қызметкерлерi балалардың арасынан кейбiреулерi өз тағдырын орман шаруашылығымен байланыстырады деп үмiттенедi, бiрақ олай болмаса да, орманды жақсы көру, оны және оның тұрғындарын қорғау, сұлулықты көру, табиғатты сезiну қабiлетi олармен өмiр бойы қалады.
Орман шаруашылығы және
ЕҚТА бөлiмiнiң маманы
С.Е. Сүлейменова