Ақпараттық хабарлама Азаматтарға арналған үкімет былтыр 6 миллионнан аса электронды цифрлық қолтаңба берді

2018 жылы «Азаматтарға арналған үкiмет» мемлекеттiк корпорациясы 6 млн аса электрондық цифрлық қолтаңба рәсiмдедi. Бұл 2017 жылғы көрсеткiшпен салыстырғанда 1,4 млн. артық.

Берiлген ЭЦҚ санының артуы электронды үкiмет порталын пайдаланушы азаматтардың көбейгенiн бiлдiредi.

Бұл ретте ХҚО-дағы өзiне-өзi қызмет көрсету секторы — Connection Point арқылы азаматтардың өз бетiнше алған электронды қызметтер саны 2018 жылы 12% өсiп, 12 млн. құрады.

Мемлекеттiк корпорацияның 2018 жылғы қорытынды есебiне сәйкес, 32 млн. мемлекеттiк қызмет көрсетiлдi, бұл 2017 жылмен салыстырғанда 17% аз көрсеткiш.

Бұл дегенiмiз мемлекеттiк қызметтердi халыққа қызмет көрсету орталықтарынан емес, онлайн форматта өз бетiнше алатын азаматтардың саны артқан.

Айта кетейiк, 2018 жылы Алматы мен Астана қалалары, Түркiстан облысының тұрғындары ең көп ЭЦҚ рәсiмдеген. Мәселен, алматылықтар 803 мың, Түркiстан облысындағылар 738 мың және астаналықтар 523 мыңнан аса электрондық цифрлық қолтаңба алған.

2018 жылы рәсiмделген электронды цифрлық қолтаңба саны

(аймақтық бөлiнiсте)