Баспасөз хабарламасы Қазақстанға келетін шетелдіктер миграциялық ХҚО арқылы тіркеуге тұра алады

«Азаматтарға арналған үкiмет» мемлекеттiк корпорациясының миграциялық ХҚО-сы арқылы көрсетiлетiн қызметтер саны толыға түстi. Ендi Қазақстан Республикасына уақытша келетiн шетелдiктер мен азаматтығы жоқ адамдар көшi-қон қызметтерi орталығының қызметiне жүгiне алады. Бұған дейiн бұл қызмет тек ҚР IIМ көшi-қон комитетi тарапынан көрсетiлетiн.

18 ақпаннан бастап көрсетiле бастаған жаңа қызмет түрiн пайдалану үшiн шетелдiк азаматтың өзiмен бiрге келесi құжаттары болуы тиiс:

• ҚР аймағына кiруге визасы бар шетелдiктiң не азаматтығы жоқ адамның жеке басын куәландыратын жарамды құжаты;
• Шекараны кесiп өткенi туралы белгiсi бар көшi-қон карточкасы;
• Еркiн түрде жазылған қолдаухат.

Қызмет алушылар ҚР аймағына 6 айдан артық мерзiмге келетiн болса, қосымша толтырылған 2 мекенжайға келу парағын, келу парағына толтырылған статистикалық есепке алу талоны мен 3,5*4,5 көлемiндегi бiр фотосурет тапсыруы керек.

Миграциялық ХҚО арқылы шетелдiктер бiр күннiң iшiнде тiркеуге тұра алады. Мұндай орталық мемлекеттiк қызметтердi жылдам әрi еш кедергiсiз алуға мүмкiндiк бередi, жемқорлық әрекетiне жол бермейдi.

Жаңадан қосылған қызметтен бөлек, мұнда шетелдiктер жұмыс iстеуге рұқсат беретiн құжатты алып, ҚР аумағына уақытша келетiндер жеке сәйкестендiру нөмiрiн рәсiмдей алады. Естерiңiзге сала кетейiк, елiмiздiң 13 қаласында көшi-қон қызметтерiнiң орталығы жұмыс iстейдi. Тағы төрт (Павлодар, Өскемен, Тараз, Түркiстан обл.) Миграциялық ХҚО жыл соңына дейiн ашылатын болады.