«Азаматтарға арналған үкiмет» мемлекеттiк корпорациясының Солтүстiк Қазақстан облысы бойынша филиалы 3 жылдық жұмысын қорытындылады

Бүгiн өңiрлiк коммуникация қызметiнде Мемлекеттiк корпорацияның үш жылдығына байланысты «Азаматтарға арналған үкiмет» мемлекеттiк корпорациясының Солтүстiк Қазақстан облысы бойынша филиалы қорытынды брифингi өттi. Шара барысында филиал директоры Еркiн Қызырұлы және филиал директорының орынбасарлары Серiк Бейсенов пен Саулеш Дүйсенбина үш жылдық жұмыс қорытындылап, мемлекеттiк корпорация болып қалыптасуы туралы және Азаматтарға арналған үкiметтiң бiрыңғай, бiртұтас құрылымға айналуы туралы айтып бердi.

Филиал директоры Еркiн Жұмабайдың айтуынша, бүгiнгi күнi мемлекеттiк корпорация 621 қызмет көрсетедi, бұл Қазақстанның тiзiлiмiндегi 752 мемлекеттiк қызметтiң 83% -ын құрайды. Электронды форматта 67% немесе 506 мемлекеттiк қызмет бар. Мемлекеттiк корпорация құрылғаннан берi Солтүстiк Қазақстан филиалы облыс тұрғындарына 3,2 миллионнан астам мемлекеттiк қызметтердi ұсынды, оның iшiнде 1 миллион 74 мыңға жуық мемлекеттiк қызмет солтүстiкқазақстандықтар өзiне-өзi қызмет көрсету секторы арқылы алды. Соңғы үш жылда 462 мыңнан астам электронды қолтаңбалар шығарылды, бұл азаматтар өзiн өзi қызмет көрсету секторы немесе электрондық үкiмет порталы арқылы қажеттi құжаттарды өз бетiнше рәсiмдей алатындығын көрсетедi. Жер кадастры мен жылжымайтын мүлiктi тiркеу департаментiнiң «Азаматтарға арналған үкiметке» қосылғаннан кейiн мемлекеттiк қызметтердi ұсыну процесi оңтайландырылды — талап етiлетiн құжаттар саны және қызмет көрсету шарттары қысқартылды.

Филиалдың әлеуметтiк бөлiмшесiнiң негiзгi функциясы зейнетақы мен жәрдемақыларды уақтылы төлеу, сондай-ақ мемлекеттiк корпорацияның ХҚКО бөлiмшелерiнде, облыстың жұмыспен қамту және әлеуметтiк бағдарламалар бөлiмшелерiнде, медициналық және әлеуметтiк сараптама бөлiмшелерiнде электрондық үкiмет порталы арқылы қабылданған электрондық iс қағаздарын уәкiлеттi органға өңдеу және жiберу болып табылады.

3 жыл iшiнде мемлекеттiк корпорация сандық инновацияларды iске қосты және енгiздi: босану бойынша мемлекеттiк қызметтердi ұсынудың проактивтiк қағидаты, SMS-парольдi пайдалана отырып, ЭСҚ-сыз қызметтердi алу, порталдағы деректердi бұғаттау, электронды денсаулық парағы, автокөлiктi онлайн тiркеу және жүргiзушi куәлiктерiн ауыстыру. мемлекеттiк қызметтер көрсетуде биометриялық сәйкестендiру, үшiншi тұлғалардың анықтамаларды алу және телеграм-бот, сондай-ақ басқа да көптеген жаңашылдықтар. Азаматтардың жұмысқа орналасу үшiн анықтамаларды алуға ХҚКО-ға баруына жол бермеу үшiн «Paper free» (азаматтардың келiсiмi бойынша үшiншi тұлғалардың анықтамаларын алу) сервисi iске қосылды.

Мемлекеттiк корпорация Қазақстан Республикасының Тұңғыш Президентiнiң «Ұлт жоспары — 100 нақты қадам» бағдарламасының жүзiншi қадамын орындау үшiн құрылды және жеке және заңды тұлғаларға «бiр терезе» қағидаты бойынша мемлекеттiк қызмет көрсететiн бiрыңғай провайдер болып табылады. Құрылымға «Халыққа қызмет көрсету орталығы», «Жылжымайтын мүлiк орталығы», «Жер кадастры ғылыми-өндiрiстiк орталығы», «Зейнетақы төлеу жөнiндегi мемлекеттiк орталық» кiредi.