1 шілдеден бастап жәрдемақы көлемі өседі

2019 жылғы 1 шiлдеден бастап мүгедек баланы тәрбиелеп отырған ата-анаға тағайындалатын жәрдемақы мен бала кезiнен I топтағы мүгедекке күтiм көрсететiндерге берiлетiн жәрдемақы көлемi өседi.

«Нұр-Отан» партиясының XVIII съезiнде Тұңғыш Президент Нұрсұлтан Назарбаевтың берген тапсырмасына сәйкес, мүгедектiгi бар балаларды тәрбиелеп отырған отбасыларға берiлетiн жәрдемақы көлемi 30% өсуi тиiс.

Бүгiнде мүмкiндiгi шектеулi балалары бар отбасылар күн көрiс көлемiнiң 1,05 мөлшерiнде 31 183 теңге жәрдемақы алып отыр. 1 шiлдеден бастап оның көлемi 10 395 теңгеге өсiп, 41 578 теңгенi құрайтын болады. Айта кетейiк, елiмiзде аталған екi жәрдемақы түрi 95 мыңнан астам адамға тағайындалған. Олардың 82 мыңға жуығы мүгедек баланы тәрбиелеп отырғандар болса, 13 мыңнан астамы бала кезiнен I топтағы мүгедектерге күтiм көрсететiндер.

Жылдың ортасынан бастап көлемi өсiрiлетiн жәрдемақының қайта есептелуiн «Азаматтарға арналған үкiмет» мемлекеттiк корпорациясының бөлiмшелерi мен Еңбек комитетiнiң аймақтық департаменттерi автоматты түрде жүзеге асырады, бұл үшiн жәрдемақы алушылар қосымша құжат тапсырмайды.

Жәрдемақы төлемдерiн тағайындау шiлденiң және келесi әрбiр айдың 1-нен 15-не дейiн жұмыс күндерi жүргiзiледi.