Ауыл шаруашылығы, тамақ және қайта өңдеу өнеркәсібі қызметкерлері күніне арналған салтанатты іс - шара өтті

Ауыл шаруашылығы, тамақ және қайта өңдеу өнеркәсібі қызметкерлері күніне арналған салтанатты іс - шара өтті

Булаев қаласындағы Мәдениет үйінде ауыл шаруашылығы, тамақ және қайта өңдеу өнеркәсібі қызметкерлері күніне арналған салтанатты шара өтті. Іс-шара көрмемен басталды, онда ауданның шаруа қожалықтары мен кәсіпорындарының өнімдері ұсынылды. Көрмеге дәнді дақылдар, сүт өнімдері, нан-тоқаш өнімдері және басқа да жергілікті өнімдер қойылды. Аудан әкімі Рахат Смағұлов көрмені аралап, ұсынылған өнімдермен танысты.

Көрме аяқталған соң салтанатты жиын концерттік бағдарлама аясында жалғасын тапты. Аудан әкімі Рахат Смағұлов құттықтау сөз сөйлеп, ауыл шаруашылығы саласында ерекше көзге түскен қызметкерлерді марапаттады. Оларға аудан әкімінің және облыс әкімінің Құрмет грамоталары, сондай-ақ "Еңбек даңқы" төсбелгісі мен "Елеулі еңбегі үшін" марапаттары табысталды.

Шара барысында әртүрлі номинациялар бойынша үздік қызметкерлер де арнайы сыйлықтармен марапатталды. Салтанатты кештің мәдени бөлімі жергілікті өнерпаздардың және Tristar тобының өнер көрсетуімен жалғасып, кешке ерекше сән берді.

Естеріңізге сала кетейік, ағымдағы жыл өңір диқандары үшін соңғы он жылдағы ең жоғары өнімділік көрсеткіштерімен аяқталды.