Заев Сергей Сергеевич

Заев Сергей Сергеевич

1947 жылы Ақмола облысы Вишнев ауданының Анар ауылында дүниеге келген. 1969 жылдан 1974 жылға дейін Солтүстік Қазақстан облысының Петропавл педагогикалық институтында оқыды. Институтты бітіргеннен кейін Булаев ауданына келіп, тарих пәнінің мұғалімі, Молодежный орта мектебінің оқу ісінің меңгерушісі, СПТУ-50 директорының орынбасары, Булаев СПТУ-10 директоры, Булаев аудандық ТКШ бастығы, қалалық Кеңес төрағасы, Булаево қаласының әкімі, Булаев №1 орта мектебінің директоры болып жұмыс істеді. 1999 жылы Мағжан Жұмабаев ауданы әкімінің орынбасары қызметіне тағайындалды. 2001 жылдан 2017 жылға дейін Булаев №3 орта мектебінің директоры болып жұмыс істеді.

  Жұмыс істеген уақытында өзін талантты басшы ретінде көрсетті. Оның басшылығымен мектеп аудандағы ондаған мектептердің арасында лайықты орынға ие болды, мектеп оқушылары әртүрлі деңгейдегі олимпиадалар мен байқауларға белсенді қатысып, жүлделі орындарға ие болды.

Сергей Сергеевич көптеген өндірістік мәселелерді шебер әрі жедел шешіп, оқушылар мен мектеп қызметкерлері үшін қолайлы еңбек жағдайларын жасады. Мектеп директорының бастамасымен, танымдық қызығушылықты дамыту мақсатында 10-11 сынып оқушылары екі жыл бойы Ханты-Мансийск автономиялық округіне археологиялық экспедицияларға үлкен қуанышпен барды.

Оның басшылығымен ұжымда әрдайым өзара түсіністік, ізгі ниет атмосферасы болды. Заев Сергей Сергеевич мұғалімдердің біліктілігін арттыруға, жас мамандарды қолдауға, мұғалімдердің оқушылармен және ата-аналармен, жергілікті билік органдарымен және жұртшылықпен ынтымақтастығына үлкен көңіл бөлді. Аудандық сайлау комиссиясының төрағасы болды.

Сергей Сергеевич белсенді өмірлік ұстанымы бар адам, қала мен ауданның қоғамдық өміріне қатысады. Ол «Нұр-Отан» бірінші аудандық партия ұйымын құрудың бастауында тұрды және көп жылдар бойы оны басқарды.

Оның бойында принципшілдік, ізгі ниет, талапшылдық, қайырымдылық және ұқыптылық сияқты қасиеттер үйлесім тапқан. Аудан тәрбиеленушілері мен педагогтары арасында лайықты беделге ие.

Мінсіз еңбегі үшін Президенттің алғыс хатымен, «Нұр-Отан» партиясының грамотасымен, халық ағарту ісінің, аудан әкімінің құрмет грамотасымен марапатталған, Солтүстік Қазақстан облысының «Тарихтағы есімдер» құрмет кітабына енгізілген.

Мағжан Жұмабаев ауданы мәслихатының 07.11.2018 ж. № 22-1 шешімі