Бубенко Владимир Степанович

Бубенко Владимир Степанович

1954 жылы Солтүстік Қазақстан облысы Булаев ауданының Надежка ауылында дүниеге келген. 1971 жылы орта мектепті бітіргеннен кейін Целиноград ауылшаруашылық институтында оқыды. Кейіннен еңбек қызметі ұзақ жылдар бойы облыстың ауыл шаруашылығымен тығыз байланысты болды. Ауылшаруашылық өндірісін дамытуға, ауыл шаруашылығы өнімдерін сатып алу мен қайта өңдеуге көп көңіл бөлінді. 2003 жылдан бастап Владимир Степанович бірқатар аудандардың, оның ішінде Мағжан Жұмабаев ауданының әкімі қызметін атқарады. Ұйымдастырушылық қабілетінің арқасында ол ауданның әлеуметтік-экономикалық, ауылшаруашылық дамуы мен елді мекендерді абаттандыру үшін көп еңбек сіңірді. Етті және сүтті бағыттағы элиталық тұқымды 1044 бас ірі қара мал сатып алынды. Бәйтерек ауылында «Нұр Сен Агро» ЖШС репродукторлық шаруашылығы құрылып, 17 адамды жыл бойы жұмыспен қамтамасыз етті. Возвышенка ауылдық клубы, Үлгі ауылындағы Халықтық демалыс орталығы, Булаево қаласындағы тарихи-өлкетану мұражайы жөнделіп ашылды, Қара-Гуга ауылында Мәскеулік Әулие Матрона шіркеуі салынды. Булаево қаласында Пионерская және Целинная көшелерінің қиылысында балалар ойын алаңы ашылды, тротуарлар төселді.

    Аудан әкімі Бубенко Владимир Степановичтің ұсынысы бойынша алғаш рет жерлестерімізге «Ауданның Құрметті азаматы» атағы берілді. Даңқ аллеясы ашылды, онда жерлестеріміз – Кеңес Одағының Батырлары, Социалистік Еңбек Ерлері және ауданның дамуына үлес қосқан құрметті азаматтарының есімдері мәңгі есте қалдырылды.

    Солтүстік Қазақстан облысы әкімінің орынбасары, облыстық мәслихаттың хатшысы болып жұмыс істеген кезеңде ауданға қараусыз қалған ғимараттар мен құрылыстарды қалпына келтіруге, әлеуметтік сала нысандарын салуға жәрдемдесті және көмектесті. Денсаулық сақтау саласында оның көмегімен жаңа аудандық емхана іске қосылды.

      Лайықты демалысқа шыққаннан кейін де жұмысын жалғастыруда және керемет басшы, ұйымдастырушы, жоғары білімді, өз ісін жетік білетін маман ретінде өз тәжірибесі мен білімін жастарға беруде.

    Еңбек сіңірген еңбегі үшін мемлекеттік наградалармен және мерейтойлық медальдармен марапатталған

Мағжан Жұмабаев ауданы мәслихатының 2018 жылғы 4 маусымдағы № 19-3 шешімі