Мамлют ауданы, Солтүстік Қазақстан облысы, Воскресенов ауылдық округі әкімдігі аппаратының мамандары Воскресенов орта мектебінің оқушыларымен профилактикалық кездесу өткізді. Іс-шараның негізгі мақсаты – жазғы каникул кезеңінде балалар мен жасөспірімдердің қауіпсіздік деңгейін арттыру болды.
Кездесу барысында оқушыларға шомылу маусымында су айдындарындағы тәртіп ережелері еске салынды. Рұқсат етілмеген жерлерде шомылуға болмайтынына, ересектердің қарауынсыз су жағасында болуға тыйым салынатынына, сондай-ақ демалыс кезінде қауіпсіздік шараларын сақтау қажеттілігіне ерекше назар аударылды.
Сонымен қатар, оқушылармен жол қозғалысы ережелерін сақтау бойынша әңгіме жүргізілді. Балаларға жолда мұқият болудың маңыздылығы, жолды қауіпсіз кесіп өту ережелері және велосипед пен самокатпен жүру кезіндегі қауіпсіздік талаптары түсіндірілді.
