Солтүстік Қазақстан облысы Мамлют ауданы Белое ауылдық округі аппаратының мамандары Белое орта мектебінің оқушыларымен профилактикалық кездесу өткізді. Іс-шараның негізгі мақсаты – жазғы демалыс кезеңінде балалар мен жасөспірімдердің қауіпсіздік деңгейін арттыру.
Кездесу барысында оқушыларға шомылу маусымындағы су айдындарында өзін-өзі ұстау ережелері түсіндірілді. Рұқсат етілмеген жерлерде суға түсуге болмайтыны, ересектердің қарауынсыз су маңында жүруге тыйым салынатыны және демалыс кезінде сақтық шараларын сақтау қажеттігі ерекше атап өтілді.
Сонымен қатар, оқушылармен жол қозғалысы ережелерін сақтау бойынша әңгіме жүргізілді. Балаларға жолда мұқият болудың, жолдың жүру бөлігін қауіпсіз кесіп өту ережелерін сақтаудың, сондай-ақ велосипед пен самокат тепкен кезде қауіпсіздік талаптарын орындаудың маңыздылығы түсіндірілді.
