Баспасөз-релизі

2021 жылғы 3 желтоқсанда Павлодар қаласында «Жомарт жүрек» республикалық сыйлығының салтанатты марапаттау рәсімі өтті.

Солтүстік Қазақстан облысынан үш меценат жеңіске жетті:

«Жыл тұлғасы» номинациясында – Звольский Сергей Сергеевич – «Астық Стем» ЖШС директоры, Тайынша ауданы.

«Туған өлке» номинациясында – Чернышов Вячеслав Павлович – «Александровское» ЖШС директоры М.Жумабаев ауданы.

«Жылдың үздік қамқоршысы» номинациясында – Исаков Андрей Анатольевич — «Таткрафт-Инвест» ЖШС бас директоры, Петропавл қаласы.

«Жомарт жүрек» – бұл қайырымдылық саласындағы маңызды қызметті жүзеге асыратын азаматтар мен ұйымдарды анықтау, тану және көтермелеу үшін өткізілетін жыл сайынғы қайырымдылық сыйлығы.

Сыйлықақы мемлекеттік деңгейде өңірлерді дамытуға, қамқорлық құндылықтары мен қайырымдылық идеяларын ілгерілетуге белсенді қатысатын, мұқтаж жандарға көмек көрсетуге дайын азаматтарды атап өтуге мүмкіндік беретін бірегей алаң болып табылады.

Конкурс бизнес-құрылымдар өкілдерін, меценаттарды, үкіметтік емес ұйымдар мен волонтерлерді кіші отанды дамытуға қатысуға ынталандыруға, көтермелеуге және ынталандыруға, елде қайырымдылық идеяларын танымал етуге бағытталған.

Конкурс келесі номинациялар бойынша онлайн дауыс беру режимінде өткізілді:

1) «Жыл тұлғасы» – белсенді филантропиялық қызметі үшін;

2) «Жыл меценаты» – белсенді меценаттық қызметі үшін;

3) «Туған өлке» – кіші отанды қолдау жөніндегі әлеуметтік маңызы бар жобаларды іске асырғаны үшін;

4) «Жылдың үздік ұйымы» – қайырымдылық бағдарламасын тиімді іске асыру үшін;

5) «Жылдың үздік қамқоршысы» – әлеуметтік маңызды өзгерістер мен қайта құруларға әкеп соққан кешенді қайырымдылық қызметі үшін, қайырымдылық көмегі үшін.