«Сауда қызметiн реттеу туралы» 2004 жылғы 12 сәуiрдегi Қазақстан Республикасы Заңының 8-бабына, «Әлеуметтiк маңызы бар азық-түлiк тауарларына бөлшек сауда бағаларының шектi мәндерiн және оларға шектi рұқсат етiлген бөлшек сауда бағаларының мөлшерiн белгiлеу қағидаларын бекiту туралы» Қазақстан Республикасы Ұлттық экономика министрiнiң 2015 жылғы 30 наурыздағы № 282 бұйрығымен бекiтiлген әлеуметтiк маңызы бар азық-түлiк тауарларына бөлшек сауда бағаларының шектi мәндерiн және оларға шектi рұқсат етiлген бөлшек сауда бағаларының мөлшерiн белгiлеу қағидаларының 7-тармағымен Солтүстiк Қазақстан облысы әкiмдiгiнiң кәсiпкерлiк және индустриялық-инновациялық даму басқармасы «2021 жылға арналған әлеуметтiк маңызы бар азық-түлiк тауарларына бөлшек сауда бағаларының шектi мәндерiн бекiту туралы» Солтүстiк Қазақстан облысы әкiмдiгiнiң қаулы жобасын әзiрледi және Солтүстiк Қазақстан облысының әкiмдiгiнде келiсiлдi.
Бұл қаулы жобасы әлеуметтiк маңызы бар азық-түлiк тауарларының бағасын реттеуге мүмкiндiк бередi және олардың шектi мәнiнiң көтерiлуiне жол бермейдi.
Қаулы жобасы Солтүстiк Қазақстан облысы әкiмдiгiнiң кәсiпкерлiк және индустриялық-инновациялық даму басқармасы сайтында орналастырылған, ашық нормативтiк-құқықтық актiлер порталында тексеруден өттi.
Қоғамдық кеңесте қаралды (кеңестiң 2020 жылғы 14 желтоқсандағы № 767 ұсынысы), аккредиттелген қоғамдық бiрлестiктермен қаралды, 2021 жылғы 05 қантардағы № 1 шешiмi сараптамалық кеңестiң хаттамасы алынды.