«Жер қойнауы және жер қойнауын пайдалану туралы» Қазақстан Республикасының 2017 жылғы 27 желтоқсандағы кодексiнiң 274-бабына сәйкес Солтүстiк Қазақстан облысының әкiмдiгi ҚАУЛЫ ЕТЕДI:
1. Солтүстiк Қазақстан облысы бойынша бiр гектар үшiн кен iздеушiлiк салдарын жоюды қамтамасыз ету көлемi 139 айлық есептiк көрсеткiш мөлшерiнде айқындалсын.
2. «Солтүстiк Қазақстан облысы әкiмдiгiнiң индустриялық-инновациялық даму басқармасы» коммуналдық мемлекеттiк мекемесi мыналарды Қазақстан Республикасының заңнамасында белгiленген тәртiпте қамтамасыз етсiн:
1) осы қаулыны «Қазақстан Республикасы Әдiлет министрлiгiнiң Солтүстiк Қазақстан облысының Әдiлет департаментi» республикалық мемлекеттiк мекемесiнде мемлекеттiк тiркеудi;
2) осы әкiмдiк қаулысын мемлекеттiк тiркеген күннен бастап күнтiзбелiк он күн iшiнде оның мемлекеттiк және орыс тiлiндегi қағаз және электрондық түрдегi көшiрмесiн Қазақстан Республикасы Әдiлет министрлiгiнiң «Республикалық құқықтық ақпарат орталығы» шаруашылық жүргiзу құқығындағы республикалық мемлекеттiк кәсiпорнының филиалы — Солтүстiк Қазақстан аймақтық құқықтық ақпарат орталығына ресми жариялау және Қазақстан Республикасы нормативтiк құқықтық актiлерiнiң эталондық бақылау банкiне қосу үшiн жолдауды;
3) осы қаулыны ресми жариялағаннан кейiн Солтүстiк Қазақстан облысы әкiмдiгiнiң интернет-ресурсында орналастыруды.
3. Осы қаулының орындалуын бақылау Солтүстiк Қазақстан облысы әкiмiнiң жетекшiлiк ететiн мәселелерi жөнiндегi орынбасарына жүктелсiн.
4. Осы қаулы оның алғашқы ресми жарияланған күнiнен кейiн күнтiзбелiк он күн өткен соң қолданысқа енгiзiледi.
Солтүстiк Қазақстан облысының
әкiмi
Қ. Ақсақалов