2025–2030 жылдарға арналған Қоғамда заң және тәртіп идеологиясын ілгерілету тұжырымдамасын іске асыру жөніндегі іс-қимыл жоспарын орындау мақсатында, азаматтардың заңға деген құрметін арттыру, құқықтық нормаларды сақтау жөніндегі жауапкершілігін күшейту, сондай-ақ қоғамдық тәртіпті сақтауға халықтың белсенді қатысуын қамтамасыз ету үшін Қазақстан Республикасының Әділет министрлігі азаматтардың үйден шықпай-ақ құқықтық кеңес алуына мүмкіндік беретін тетік әзірледі.
Бүгінгі таңда мемлекет кепілдік берген заң көмегі шеңберінде азаматтар адвокаттар мен заң кеңесшілеріне жүгінеді.
Аталған процесті оңтайландыру мақсатында Қазақстан Республикасының Әділет министрлігі жасанды интеллектіні қолданатын «цифрлық көмекші» чат-ботын іске қосты. Бұл чат-бот азаматтарға құқықтық кеңес беру үшін әзірленген.
Чат-бот Әділет министрлігінің бастамасымен «Әділет» порталында іске қосылды. «Цифрлық көмекші» азаматтарға кез келген құқықтық мәселе бойынша жедел әрі қолжетімді құқықтық кеңес бере алады.
«Цифрлық көмекші» арқылы тиісті кеңес алу мүмкіндігі құқықтық көмекке жүгінген барлық азаматтарға қолжетімді.