1. Мемлекеттік жоспарлау жүйесін Қазақстан Республикасының Үкіметі Қазақстан Республикасы Президентінің келісімі бойынша айқындайды.
2. Бюджет процесінде мынадай құжаттар пайдаланылады:

1) Қазақстан Республикасының немесе облыстың, республикалық маңызы бар қаланың, астананың әлеуметтік-экономикалық даму болжамы;

2) республикалық бюджет туралы заң, мәслихаттың жергілікті бюджет туралы шешімі;

2-1) республикалық бюджет бойынша болжамды шоғырландырылған қаржылық есептілік;

2-3) Ұлттық жобалар;

3) мемлекеттік органдардың даму жоспарлары;

3-1) бюджеттік бағдарламалар;

4) операциялық жоспарлар.

3. Мемлекеттік жоспарлау жөніндегі орталық уәкілетті орган мемлекеттік жоспарлау бойынша әдіснамалық басшылықты жүзеге асырады, мемлекеттік жоспарлау жүйесін жетілдіру және бюджеттік жүйені дамыту жөнінде ұсыныстар әзірлейді, сондай-ақ бюджеттік саясатты қалыптастырады.

Бюджеттік жоспарлау жөніндегі орталық уәкілетті орган бюджеттік жоспарлау саласындағы басшылықты және салааралық үйлестіруді, бюджеттік жоспарлау жөніндегі әдіснамалық басшылықты жүзеге асырады, сондай-ақ бюджеттік жоспарлау жүйесін жетілдіру жөнінде ұсыныстар әзірлейді.