2023 жылғы 20 сәуірде Құқықтық жалпыға бірдей оқытудың оқу-тақырыптық жоспарына сәйкес аудан әкімі аппаратының азаматтық хал актілерін тіркеу, мемлекеттік-құқықтық жұмыс жөніндегі құрылымдық бөлімшенің бас маманы-заңгері М. С. Джанахметова аудан әкімі аппаратының қызметкерлері, ауылдық округ әкімдері, аудандық бөлімдердің басшылары мен мамандары үшін «Кәмелетке толмағандар арасындағы құқық бұзушылықтардың алдын алу және балалардың қараусыздығы мен панасыздығының алдын алу туралы» тақырыбы бойынша Zoom платформасында оқыту семинары өткізілді.
Іс-шара барысында семинарға қатысушылар кәмелетке толмағандар арасындағы құқық бұзушылықтардың алдын алу және балалардың қадағалаусыз және панасыз қалуының алдын алу саласындағы заңнамаға енгізілген өзгерістермен, негізгі міндеттермен, жергілікті атқарушы органдардың құзыретімен, кәмелетке толмағандар істері және олардың құқықтарын қорғау жөніндегі комиссияның жұмысы туралы, сондай-ақ жеке профилактика шараларымен танысты.