СҚО ПД киберқылмысқа қарсы іс-қимыл басқармасы ескертеді

Жалған инвестициялар бүгінде алаяқтықтың ең кең таралған түрлерінің бірі болып қала береді. Қаскөйлердің негізгі мақсаты — адамды аса тиімді жобаға ақша салуға көндіріп, кейін қаражатты иемденіп, байланысын үзу.

Неге назар аудару қажет: «аптасына 20 % табыс» секілді кепілдендірілген жоғары пайда туралы уәделер. Нақты инвестиция саласында мұндай кепілдіктер болмайды. Сондай-ақ қысым көрсету мен жасанды асықтыру да алаяқтықтың белгісі болып саналады. Мысалы: «Бүгін ақша салыңыз, ертең кеш болады» деген сөздер.

Қарапайым қауіпсіздік ережелерін есте сақтаңыз:

- жоғалтуға дайын емес ақшаңызды инвестицияламаңыз;

- бейтаныс адамдар жіберген сілтемелерге өтпеңіз;

- белгісіз «менеджерлердің» өтініші бойынша бағдарламалар орнатпаңыз;

- тек сенімді платформалар мен банктердің қызметін пайдаланыңыз.

Егер алаяқтарға тап болсаңыз, дереу ақша аударуды тоқтатыңыз, хат алмасу мен түбіртектерді сақтап, болған жағдай туралы құқық қорғау органдарына хабарлаңыз.