Есірткі қылмысына қарсы іс – қимыл жөніндегі бағыт-құзыреті шегінде мемлекеттік саясатты, сондай-ақ есірткі құралдарының, психотроптық заттардың, олардың аналогтары мен прекурсорларының айналымы саласындағы реттеу, іске асыру және бақылау функцияларын іске асыратын бағыт болып табылады.
Функциялар:
есірткі құралдарының, психотроптық заттардың, олардың аналогтары мен прекурсорларының айналымы, сондай-ақ олардың заңсыз айналымы мен теріс пайдаланылуына қарсы іс-қимыл саласындағы мемлекеттік саясатты ұйымдастыру және іске асыру;
мемлекеттік органдар мен өзге де ұйымдардың есірткі қылмысының және есірткі құқық бұзушылықтың алдын алу және оған қарсы іс қимыл мәселелері бойынша қызметін ведомствоаралық үйлестіруді қамтамасыз ету;
есірткі құралдарымен, психотроптық заттармен, олардың аналогтарымен және прекурсорларымен байланысты қылмыстардың алдын алу, анықтау, жолын кесу және ашу;
ақпараттық-коммуникациялық жүйеде есірткі қауіпсіздігін қамтамасыз ету;
есірткі құралдарының, психотроптық заттардың, олардың аналогтары мен прекурсорларының айналымына мемлекеттік бақылауды ұйымдастыру;
есірткі ахуалының жай-күйі мен даму үрдістерінің мониторингін жүзеге асыру;
есірткі қылмысы мен есірткі құқық бұзушылықтың алдын алу және оған қарсы іс-қимыл нысандары мен әдістерін жетілдіру;
шет мемлекеттердің құқық қорғау органдарымен, есірткі қылмысына қарсы іс-қимылдың халықаралық ұйымдарымен өзара іс-қимылды жүзеге асыру;
кинологиялық қызметтердің қызметін үйлестіру және ұйымдастыру.