Борышкерлердің мүдделерін қорғайтын қаржы басқарушысы қызметінің басталғаны немесе тоқтатылғаны туралы хабарлама elicense.kz порталында қолжетімді.

 

Қаржы басқарушысы - төлем қабілеттілігін қалпына келтіру және сот банкроттығы рәсімдерінде қызметті жүзеге асыратын тұлға.

Хабарлама беру үшін өтініш беруші elicense.kz порталында:

• өтініш берушінің түрін (әкімші, кәсіби бухгалтер, аудитор, заң кеңесшісі) көрсете отырып, өтінішті толтырады;

• қызметті жүзеге асыру мекен-жайын көрсетеді;

• бухгалтердің растайтын сертификатын тіркейді.

Сонымен қатар, өтініш берушінің соттылығы және психиатриялық-диспансерлік есепте болуы тексеріледі.

*Қызмет нәтижесі хабарламаны қабылдау туралы талон нысанында пайдаланушының «Жеке кабинетіне» жіберіледі және сақталады.