Биыл еліміздің 3 миллионнан астам оқушысы шығармашылық үйірмелер мен спорт секцияларымен қамтылады деп жоспарлануда, деп хабарлайды ҚР Білім министрлігі.
"Бүгінде оқушылардың 81,1% - ы қосымша біліммен қамтылған. Біз қосымша білім алу кезінде барлық балаларға тең мүмкіндіктер беруге тырысамыз. Биыл қамтуды 86,3% –ға дейін арттыру жоспарлануда", - деп атап өтті Тәрбие жұмысы және қосымша білім беру департаментінің директоры Меруерт Медетбекова.
Балаларды қосымша біліммен көбірек қамту үшін мемлекет Басшысының тапсырмасы бойынша биыл Астана, Алматы, Шымкент қалаларында, сондай-ақ Маңғыстау, Қостанай және Павлодар облыстарында 6 оқушы сарайын ашу жоспарлануда.