2022 жылғы 3 қарашада Солтүстік Қазақстан облысы әкімі аппаратының Әдеп жөніндегі уәкілі С. М. Серікбаев жұмыс кеңесін өткізді, оған мемлекеттік сәулет-құрылыс бақылау басқармасының қызметкерлері қатысты.
Кеңес барысында Әдеп жөніндегі уәкіл мемлекеттік қызметті атқару қоғам мен мемлекет тарапынан ерекше сенім білдіру болып табылатынын және мемлекеттік қызметшілердің моральдық-әдептілік бейнесіне жоғары талаптар қоятынын атап өтті.
Қоғам мемлекеттік қызметшілер өздерінің барлық күш – жігерін, білімі мен тәжірибесін өздері жүзеге асыратын кәсіби қызметіне жұмсайды, өз Отаны-Қазақстан Республикасына бейтарап және адал қызмет етеді деп сенеді.
Мемлекеттік қызметшілер бірінші кезекте мемлекеттің мүдделеріне және оның азаматтарының құқықтарына нұқсан келтіретін іс-әрекеттерге қарсы тұруы, белгіленген шектеулер мен тыйымдарды сақтауы тиіс екенін ұмытпауымыз керек.