Құжаттарды апостильдеу

Көп сұранысқа ие мемлекеттік қызметтердің бірі - ресми құжаттарға апостиль қою. Апостиль - бұл басқа елдегі кез келген ресми құжаттың түпнұсқалығын растайтын арнайы мөр. Бұл жоғары білім туралы диплом, туу туралы куәлік немесе неке туралы куәлік, мұрағаттан алынған көшірмелер және басқа да құжаттар болуы мүмкін.

Апостиль қоюды екі тәсілмен жасауға болады – eGov порталында немесе ХҚО-да.

Электрондық үкімет порталында қызмет бір жұмыс күні ішінде көрсетіледі. Бұл қызметті алу бойынша нұсқаулық:

• Порталда авторизациядан өтіп, "құқықтық көмек" бөліміне өтіңіз, содан кейін қызметке онлайн тапсырыс беріңіз
• жолдарды толтырыңыз және апостиль қойылған құжаттың скан-көшірмелерін тіркеңіз
• ЭЦҚ немесе смс-құпиясөз арқылы сұрауға қол қойыңыз;
• Жеке кабинетте "Апостиль"электрондық мөртаңбасын алыңыз

ХҚО-ға жүгінген кезде апостиль ұсынуға өтініш және келесі құжаттар болуы қажет:

• жеке куәліктің түпнұсқасы
• апостиль қоюға жататын құжат
• бюджетке мемлекеттік баж төленгенін растайтын құжат
• өкіл жүгінген кезде, нотариалды куәландырылған сенімхат.

ХҚО арқылы қызмет көрсету мерзімі - екі жұмыс күні.

Қызмет құны - 0,5 АЕК.

«Азаматтарға арналған үкімет» мемлекеттік корпорациясы» КЕ АҚ СҚО бойынша филиалының баспасөз қызметі