Қазақстандықтар ХҚО-ға 23 тамыздан бастап мiндеттi брондаусыз бара алады. Бұл ретте Ashyq жүйесiндегi мәртебенi тексеру арқылы өткiзу тәртiбi сақталады.
«Мiндеттi брондау санитарлық дәрiгерлердiң басты талабы болды, мұндай жұмыс тәртiбi клиенттердiң бәрiн қабылдауға мүмкiндiк бермедi, бiр апта аралығында брондау үшiн бос уақыт табу қиын болды. Қауiпсiз және бейтарап мәртебесi бар клиенттер ендi мемлекеттiк қызметтердi Мiндеттi алдын ала брондаусыз ала алады. Бұл ретте электронды тәсiлмен кезекке тұру мүмкiндiгi бұрынғы тәртiпте қалады. Бұл жағдайдағы клиенттiң артықшылығы — операторға ұзақ кезексiз жүгiне алады. Бiз келушiлердiң саны өсетiнiн түсiнемiз, сондықтан санитарлық қауiпсiздiк шаралары туралы ұмытпауларыңызды сұраймыз — бетперде тағып, әлеуметтiк қашықтықты сақтаңыз, санитайзерлердi қолданыңыз», — дедi «Азаматтарға арналған үкiмет» басқарма төрағасы Ә. Қожықов.
Бұдан басқа, «Азаматтарға арналған үкiмет» мемлекеттiк корпорациясы талондарды беру жүйесiн Ashyq-пен өзара ықпалдастырды. Бұл клиенттiң мәртебесiн ХҚО-да кезек талондарын беру кезiнде де тексеруге мүмкiндiк бередi. Терминалда клиенттiң ЖСН-iн теру барысында ақпарат Ashyq жүйесiндегi деректермен сәйкестендiрiледi, қауiптi мәртебе анықталса, бағдарлама талонды басып шығармайды.
«Азаматтарға арналған үкiмет»
мемлекеттiк корпорациясы» КЕ
АҚ баспасөз қызметi