Егер сiз пәтер сатып алсаңыз, үй немесе кез келген басқа жай салсаңыз, мiндеттi түрде объектiнiң төлқұжатын алуыңыз керек. Бұл сiздiң жылжымайтын мүлiкпен байланысты кез келген сауда-саттық үшiн ең маңызды құжат. Оны екi тәсiлмен: ХҚО арқылы немесе eGov порталы арқылы алуға болады. Әр әдiс туралы егжей-тегжейлi айтып өтейiк.
ХҚО арқылы:
- жылжымайтын мүлiк бар болған жағдайда қолданыстағы техникалық паспортын және (немесе) жер учаскесiне сәйкестендiру құжатын қоса бере отырып, жылжымайтын мүлiк объектiсiне құқық белгiлейтiн құжаттар
- техникалық паспорт үшiн төлемдi растайтын құжат. Ол екi кезеңде ұсынылады: 1) Мемлекеттiк қызмет көрсетуге өтiнiш берген кезде төлем баға прейскурантына сәйкес жылжымайтын мүлiк объектiсiн мемлекеттiк техникалық тексеру бойынша қызметтiң базалық құны түрiнде жүргiзiледi; 2) жылжымайтын мүлiк объектiсiнiң техникалық паспортын алған кезде баға прейскурантына сәйкес жылжымайтын мүлiк объектiсiн мемлекеттiк техникалық тексеру бойынша орындалған жұмыс үшiн толық төлем (қосымша ақы) жүргiзiледi.
Портал арқылы Еgov.kz:
- Порталда авторизациядан өтiп, қызметтердi iздеу арқылы "жылжымайтын мүлiк" бөлiмiн тауып, "жылжымайтын мүлiк объектiсiнiң техникалық паспортын алуға электрондық өтiнiш беру" қызметiн таңдаңыз, Қызметке онлайн тапсырыс берiңiз
- Тiзбеде көрсетiлген құжаттарды тiркеу қажет болады
- ЭЦҚ көмегiмен өтiнiшке қол қойыңыз
Ескерту! Пәтерлердiң, жатақханалардағы бөлмелердiң, жеке гараждар мен саяжай құрылыстарының құқық иелерi онлайн-сұраныс жасай алады.
Құжатты дайындау мерзiмi құрылымның түрiне байланысты. Техникалық тексеру қорытындысы бойынша пәтердiң, жатақханалардағы бөлменiң техпаспорты үшiншi жұмыс күнi, ал жеке гараждар мен саяжай құрылыстарына — бесiншi жұмыс күнi берiледi.
«Азаматтарға арналған үкiмет»
мемлекеттiк корпорациясы» КЕ АҚ
СҚО бойынша филиалының баспасөз
қызметi