Қазақстан Республикасының Бас мемлекеттiк санитарлық дәрiгерiнiң 2021 жылғы 11 маусымдағы №27 қаулысына сәйкес, 14 маусымнан бастап ХҚО-лар Ashyq сервисi арқылы клиенттердi қабылдауға көшедi. Терiс немесе бейтарап мәртебесi бар солтүстiкқазақстандықтар мемлекеттiк қызметтердi кезексiз алуына болады.
Ashyq қосымшасы бойынша барлық қалада ХҚО-ға кiруге қолжетiмдi болады. Қалалардың әрбiр фронт-офисiне сканерлеу үшiн арнайы дербес QR-код берiлдi. QR кодтары ғимаратқа кiре берiсте iлiнедi. Бұл ретте кезекке алдын ала брондау мүмкiндiгi бұрынғыша қалады. Оның артықшылығы — сiз белгiленген уақытта оператордың қабылдауына бiрден өте аласыз.
Егер қызметтi алушыда Ashyq қосымшасы болмаса, жақында ғана Ashyq функционалы енгiзiлген eGov mobile, Kaspi.kz және Halyk Homebank қосымшаларын пайдалана алады. Осы қосымшалар болмаса да, мәртебенi ХҚО қызметкерлерi ЖСН бойынша анықтайтын болады.
"Азаматтарға арналған үкiмет" СҚО
бойынша филиалының баспасөз
қызметi