Төтенше жағдай кезiнде Мемлекеттiк әлеуметтiк сақтандыру қорынан төлем тағайындаудан бас тарту себептерiне қатысты
Төтенше жағдай (әрi қарай — ТЖ) кезiнде табысынан айырылуы бойынша Мемлекеттiк әлеуметтiк сақтандыру қорынан (әрi қарай — МӘСҚ) әлеуметтiк төлем тағайындаудан бас тартуға түрткi болатын негiзгi себептердiң қатарында өтiнiмдердiң қайталануы, МӘСҚ тарапына мiндеттi әлеуметтiк аударымдардың (МӘУ), мiндеттi зейнетақы жарналарының (МЗЖ) және де бiрыңғай жиынтық төлемнiң (БЖТ) жасалмауы тұр.
Соңғы деректерге сүйенсек, МӘСҚ тарапынан төлемге азаматтар жолдаған өтiнiмдердi қарастыру барысында келесi жайттар анықталып отыр:
- өтiнiмдердiң қайталануы — 1 042 842;
- тұрақты жалақы төленетiн жұмысы бар (оның iшiнде мемлекеттiк қызметкерлер мен бюджеттiк ұйымдардың қызметкерлерi); зейнетақы мен жәрдемақыларды алушылар (ТЖ енгiзiлгенше ресми жұмыс iстемегендер) — 521 365;
- өтiнiм берушi бойынша ТЖ енгiзiлгенше соңғы 12 айда МӘУ/БЖТ/МЗЖ немесе өтiнiм берген уақытқа дейiн БТЖ табылмады (бейресми өзiн жұмыспен қамтушылар тұрғысында) — 1 053 383;
- жұмыс берушiнiң БСН/ЖСН дерегi, өтiнiм берушiнiң ЖСН дерегi көрсетiлмеген немесе бұрыс көрсетiлген — 63 222;
- өтiнiм Қазақстан аумағынан тыс жерде тұратын немесе марқұм болып кеткен адамның атынан берiлген — 378.
Осылайша, барлығы, ТЖ кезiнде табыстан айырылу бойынша МӘСҚ тарапынан әлеуметтiк төлем тағайындау Ережесiне қатысты қателер мен сәйкессiздiктер жiберiлген 2 681 198 өтiнiм анықталды.
Еске салар болсақ, МӘСҚ тарапынан әлеуметтiк төлемге өтiнiм берушi азаматтар, ұсынылатын деректердiң шынайылығына жауап бередi.