2024 жылғы 17 мамырдан «Қазгидромет» РМК ақпараты бойынша № 17 ҚҚ дауыл ескертуі жарияланады:
18 мамырда, түнде Солтүстік Қазақстан облысының солтүстігінде, оңтүстігінде, күндіз облыстың солтүстігінде, батысында, оңтүстігінде найзағай күтіледі. Түнде және таңертең облыстың оңтүстігінде тұман күтіледі. Оңтүстік-батыстан соғатын жел солтүстік-батысқа ауысады, күндіз екпіні 15-20 м/с. 19 мамырда облыстың оңтүстігінде, шығысында қатты жаңбыр күтіледі. Облыстың солтүстігінде, оңтүстігінде, шығысында найзағай, бұршақ, дауыл күтіледі. Күндіз облыстың батысында шаңды дауыл күтіледі. Солтүстік-шығыстан жел соғады, күші 15-20 м/с, екпіні 23-28 м/с.
Петропавл қаласында, 18 мамырда күндіз найзағй күтіледі. Оңтүстік-батыстан соғатын жел солтүстік-батысқа ауысады, күндіз екпіні 15-20 м/с. 19 мамырда найзағай, бұршақ, дауыл күтіледі. Солтүстік-шығыстан жел соғады, күші 15-20 м/с, екпіні 23-28 м/с.
Жоғарыда көрсетілгендерге сәйкес Сізге табиғи және техногендік сипаттағы өзге де ТЖ және адамдардың қаза болуына жол бермеу мақсатында шаралар кешенін ұйымдастыру және өткізу қажет:
халыққа бұқаралық ақпарат құралдары арқылы болуы мүмкін төтенше жағдайлар туралы және оның туындауы кезінде әрекет ету тәртібін жеткізу;
ауыл шаруашылығы алқаптарында, үй маңындағы және үй маңындағы аумақтарда барлық жерде құрғақ өсімдіктердің қалдықтарын күйдіруге тыйым салу;
авариялық-құтқару қызметтерінің күштері мен құралдарын әзірлікке келтіру;
тіршілікті қамтамасыз ету кәсіпорындары жұмысының тұрақтылығын қамтамасыз ету;
ауа райы жағдайының нашарлауы кезінде халықтың жүріс-тұрысы мен әрекет ету тәртібі мәселесі бойынша түсіндіру жұмыстарын жандандыруды;
ауру азаматтар мен босанатын әйелдердің есебін, қажет жағдайда ауа райы жағдайының нашарлауы кезінде оларды аудандық немесе облыстық ауруханаларға жеткізуді;
байланыс және хабарландыру құралдарының дайындығын тексеру.
Телефонхат ауылдық округтік әкімдіктерге, ұйымдарға және кәсіпорындарға жеткізілсін.
Тіршілікті қамтамасыз ету жүйелері, сондай-ақ табиғи және техногендік сипаттағы өзге де ТЖ істен шыққан жағдайда, Солтүстік Қазақстан облысы Төтенше жағдайлар департаментінің «112» телефоны бойынша дереу хабарлансын.