2024 жылғы 29 наурыздағы «Қазгидромет» РМК филиалының ақпараты бойынша № 5 дауыл ескертуі жарияланады.

2024 жылғы 29 наурыздағы «Қазгидромет» РМК  филиалының ақпараты  бойынша № 5 дауыл ескертуі жарияланады.

2024 жылғы 1 – 5 сәуір аралығында Солтүстік Қазақстан облысында жаңбыр және жабысқақ қар түріндегі жауын-шашын, сондай-ақ күндізгі ауа температурасының ары қарай жоғарылауы болжануда.

Осыған байланысты, Солтүстік Қазақстан облысында қардың қарқынды еруі күтілуде. Қардың айтарлықтай мөлшерін, топырақтың күзгі ылғалдылығын және мұз қабықшасының болуын ескере отырып, еріген қар ағынының топыраққа сіңуі қиын болады. Бұл жер үсті су ағынының пайда болуына, мұз құбылыстарының әлсіреуіне және өзендерде су деңгейлерінің көтерілуіне, сонымен қатар судың жайылуы мен басуына алып келуі мүмкін.

Сізге төтенше жағдайлардың орын алуын болдырмау және қауіпсіздікті қамтамасыз ету мақсатында:

су басуға бейім елді мекендерде қосымша бақылау постарын ұйымдастыру;

азаматтық қорғау күштері мен құралдарының құралымдарын ықтимал су басу аймағында авариялық-құтқару және басқа жұмыстар орындау үшін  шоғырландыру;

халықты, оның жеке мүлігі және ауыл шаруашылық жануарларын су басу аумағынан қауіпсіз орындарға эвакуациялауды ұйымдастыру;

халықты эвакуациялау жағдайында оларды уақытша орналастыру орындары мен бірінші кезектегі тыныс-тіршілікті қамтамасыз ету.

су басу жағдайында әрекет ету бойынша халықпен түсіндіру жұмыстарын өткізу қажет.

Телефонхат ауылдық округтік әкімдіктерге, ұйымдарға және кәсіпорындарға, сонымен қатар оқу орындарына жеткізілсін.