Тіршілікпен қамтамасыз ету және ТКШ объектілерде штаттан тыс жағдайда, сонымен қатар қолайсыз ауарайы-климат жағдайында жергілікті атқарушы органдардың халықты құлақтандыру және төтенше жағдайды жою іс-шараларын жүргізу жөніндегі алгоритм

Тіршілікпен қамтамасыз ету жүйелері сөнген жағдайда (апат, ТЖ және тағы басқа) өңір халқының тіршілігін тұрақтандыру мақсатта келесі іс-қимыл тәртібі анықталды:

1. Жергілікті атқарушы орган және тіршілікпен қамтамасыз ету және ТКШ объектілер мен кәсіпорындар басшылары:

• қызмет көрсетуші кәсіпорынның кезекші диспетчері тіршілікпен қамтамасыз ету және ТКШ объектілердегі штаттан тыс жағдай, сонымен қатар қолайсыз ауарайы — климат жағдай туралы ақпаратты кәсіпорын басшылығына,төтенше жағдайлар департаментіне және басқа мүдделі мемлекетті коргандарға жеткізеді (Энергетика министрлігі Атом және энергетикалық қадағалау және бақылау комитетінің аумақтық департаменті) (15 мин. ішінде).
• апатты — қалпына келтіру бригадаларды дереу дайындайды (дереу);
• технологиялық бұзушылық сипатын және көлемін белгілейді (15 – 30 мин. ішінде).
• тіршілікпен қамтамасыз етудің резерв көздерін дайындайды (дереу).

2. Жергілікті атқарушы орган:

штаттан тыс жағдай, апат көлемі және сонны жоюдың болжамды уақыты туралы әкімдіктердің ресми сайттары, әлеуметтік желілер (Instagram, telegram-арна және басқа) арқылы дереу құлақтандыруды ұйымдастырады (30 минутке дейін).

Мысалы: Абай көшесінде сумен қамтамасыз ету жүйесіндегі ақаудың салдарынан, 5 үйде 200 абонент сусызқалған, апатты жоюдың болжамды уақыты 17.00 сағатқадейін);

көп қабатты үйлер бойынша жағдай туралы ақпаратты бұдан әрі үйлер арасындағы чаттар арқылы тарату үшін МИБ (КСК, УД) төрағаларына хабарлауды ұйымдастырады (сонымен қатар жергілікті атқарушы органдардың сайты арқылы).