Аққайың ауданы Асраханка, Смирново, Черкасское ауылдық округтері әкіміне кандидаттарды тіркеу қорытындылары туралы
2022 жылғы 11 ақпанда сағат 18.00-де Аққайың ауданы Астраханка, Смирново, Черкасское ауылдық округтері әкіміне кандидаттарды жылжыту кезеңі аяқталды. Барлығы 10 кандидат ұсынылды, солардың ішінде 3 (30%) «Nur Otan» Партиясымен, 1 (10%) «Қазақстан Халық партиясы» Партиясымен, 6 (60%) өзін-өзі ұсыну тәртібімен.
Қазіргі уақытта ұсынылған кандидаттардың заңнама талаптарына сәйкестігін анықтау және оларды тіркеу бойынша іс-шаралар жүргізілуде, олар 2022 жылғы 16 ақпанда сағат 18:00-де аяқталады.
«Қазақстан Республикасындағы сайлау туралы» Қазақстан Республикасының Конституциялық заңының 113-5 бабының 9 тармағына сәйкес кандидаттардың тіркелуі туралы қорытынды ақпарат БАҚ-да жарияланады.
Аққайың аудандық сайлау комиссиясы