СҚО ӨКҚ алаңында егіс науқанына дайындық туралы брифинг өтті

Солтүстік Қазақстан облысының Өңірлік коммуникациялар қызметінің алаңында егіс науқанына дайындық туралы брифинг өтті. Ауыл шаруашылығы басқармасының басшысы Мейрам Меңдібаев техниканың дайындығы, минералды тыңайтқыштарды енгізу, ауыл шаруашылығы тауарын өндірушілерді арзандатылған ЖЖМ-мен қамтамасыз ету туралы баяндады.  Көктемгі дала жұмыстарын өткізу үшін фермерлер 2024 жылғы егінге 484,5 мың тонна тұқым құйылды. Өткен жылы және биылғы жылы облыс бойынша тұқым зертханаларында 378,5 мың тонна тұқым тексерілді немесе 78,1%.

Мейрам Меңдібаев, СҚО ауыл шаруашылығы және жер қатынастары басқармасының басшысы: «Жыл сайын облыста шаруашылықтардағы өнімділігі жоғары тұқымдардың сорттық жаңару пайызы артып келеді. Соңғы 5 жылда бұл көрсеткіш 1,3% - ға өсті. Осы жылы 2024-2028 жылдарға арналған Жол картасының жоспарына сәйкес Қазақстан Республикасының Ауыл  шаруашылығы министрлігі сортты жаңарту көрсеткішін 10-ға дейін жеткізуді жоспарлап отыр. 

Сондай-ақ, облыс аграрлары Қазақстанның басқа өңірлерінен, Ресей Федерациясынан және Еуропа елдерінен тұқым әкелуді жүзеге асырады. Жыл басынан бері 47,9 мың тоннадан астам тұқым әкелінді, оның ішінде ҚР – 8,3 мың тонна, РФ – 15,2 мың тонна, Еуропа-154,7 тонна. Сондай – ақ, СҚО  18,8 мың тонна сатып алынды, өз қажеттіліктері үшін элиталық тұқымдар өндірілді-5,4 мың тонна». 

Сондай-ақ, соңғы жылдары СҚО ауыл шаруашылығы саласын техникалық қайта жарақтандыру белсенді қарқынмен жүргізіліп жатқаны атап өтілді.  2023 жылы облыс аграршылары 79,5 млрд. теңге сомасына 2848 бірлік техника мен жабдық сатып алды. Ағымдағы жылға облыстың агроқұрылымдарының алдын ала деректері бойынша жалпы сомасы 70 млрд.теңгеден астам жаңа техника мен жабдықтарды шамамен 2560 бірлік сатып алу жоспарлануда. Жыл басынан бері 8,5 млрд. теңгеге 262 бірлік ауыл шаруашылығы техникасы сатып алынды.

Жыл сайын СҚО салаларды субсидиялауға айтарлықтай мемлекеттік қолдау көрсетеді. 60,8 млрд.теңге бөлінді, оның ішінде өсімдік шаруашылығын субсидиялауға – 24 млрд. теңге, мал шаруашылығына – 10,0 млрд. теңге, басқа бағыттарға-30,4 млрд. теңге. Бүгінгі күні тұқым шаруашылығы, инвестициялық субсидиялар, минералды тыңайтқыштар, кредиттер мен лизинг бойынша сыйақы мөлшерлемесін субсидиялау, қайта өңдеу кәсіпорындарын субсидиялау бойынша өтінімдерді қабылдау басталды.