ҚР Тәуелсіздігінің 30 жылдығына мерекелеу аясында а.ж. қыркүйекте Орталық сайлау комиссиясы Демократияны, парламентаризмді дамыту және ТМД Парламентаралық Ассамблеясына қатысушы мемлекеттер азматтарының сайлау құқықтарын сақтау мониторингінің халықаралық институтымен және Қазақстанның жоғары оқу орындары қауымдастығымен бірлесіп, студенттер арасында «Әлем мемлекеттерінің сайлау жүйелері» Интернет-олимпиадасын өткізді.
Ұлттық қазылар алқасының шешіміне сәйкес, интернет-олимпиаданың жеңімпазы І-дәрежелі дипломмен, екі жүлдегері ІІ-дәрежелі дипломдармен, пікірталас сайысына қатысқан бірінші кезеңнің жеңімпаздары ІІІ-дәрежелі дипломдармен марапатталды. Интернет-олимпиада туралы Ережеге сәйкес интернет-олимпиаданың барлық қатысушыларына жеке сертификаттар табысталды.