Ағымдағы жылы Алматы қаласында орналасқан жоғары оқу орындарында Шымкент қаласының туристік әлеуеті танысытырылып, студенттерге арналған арнайы турлар ұсынылды. Кездесу барысында биыл қалада өтетін 8 фестиваль туралы презентация жасалып, студенттердің қызығушылығын арттырды.
Іс-шараға Қазақ ұлттық университеті (ҚазҰУ), Almaty Management University (ҚазИТУ), Алматы инженерлік-техникалық университеті, Тұран университеті және Қазақ спорт және туризм академиясының студенттері қатысты.
Visit Shymkent туристік ақпараттық орталығы тарапынан жоғарыда аталған оқу орындарының студенттеріне Шымкент қаласында қонақ үйлерге жеңілдіктер мен туристік нысандарға тегін кіру мәселесі қарастырылды.
Сонымен қатар, студенттерді Шымкент қаласына тарту мақсатында жоғары оқу орындарының басшылығымен келісімдер жасалып, екі жақты құжаттарға қол қойылды.