Шымкент қаласының аумағында жолаушылар мен багажды автомобильмен тұрақты және әлеуметтік мәні бар тұрақты тасымалдау тарифтерін белгілеу туралы

«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабына, «Автомобиль көлігі туралы» Қазақстан Республикасы Заңының 19-бабының                 2-1, 4, 5-тармақтарына сәйкес Шымкент қаласының әкімдігі ҚАУЛЫ ЕТЕДІ:

  1. Шымкент қаласының аумағында жолаушылар мен багажды автомобильмен тұрақты және әлеуметтік мәні бар тұрақты тасымалдау тарифтері электрондық төлем жүйесі арқылы, оның ішінде ұялы байланыс операторының, банк және көлік карталарының немесе мобильді қосымшаның қызметтері арқылы 70 теңге көлемінде бекітілсін.
  2. Шымкент қаласы әкімдігінің мынадай кейбір қаулыларының күштері жойылды деп танылсын:

1) «Шымкент қаласында жолаушыларды әлеуметтік мәні бар тұрақты тасымалдау тарифін белгілеу туралы» 2019 жылғы 20 желтоқсандағы                           № 978 қаулысы (Нормативтік құқықтық актілерді мемлекеттік тіркеу тізілімінде № 81 болып тіркелген);

2) «Шымкент қаласының аумағында жолаушылар мен багажды қалалық қатынастарда автомобильмен тұрақты тасымалдауға сараланатын тарифті белгілеу туралы» 2020 жылғы 27 қазандағы № 650 қаулысы (Нормативтік құқықтық актілерді мемлекеттік тіркеу тізілімінде № 137 болып тіркелген);

3) «Шымкент қаласында жолаушыларды әлеуметтік мәні бар тұрақты тасымалдау тарифін белгілеу туралы» 2019 жылғы 20 желтоқсандағы                         № 978 қаулысына толықтыру енгізу туралы» Шымкент қаласы әкімдігінің                  2022 жылғы 16 тамыздағы № 1580 қаулысы (Нормативтік құқықтық актілерді мемлекеттік тіркеу тізілімінде № 29148 болып тіркелген).

  1. «Шымкент қаласының жолаушылар көлігі және автомобиль жолдары басқармасы» мемлекеттік мекемесі Қазақстан Республикасының заңнамасында белгіленген тәртіпте:

1) осы қаулының Шымкент қаласының Әділет департаментінде мемлекеттік тіркелуін;

2) осы қаулының көшірмесін мемлекеттік тіркелген күнінен бастап күнтізбелік он күн ішінде ресми жариялау үшін Шымкент қаласының аумағында  таратылатын мерзімді баспасөз басылымдарына жіберуді;

3) осы қаулыны ресми жариялағанынан кейін Шымкент қаласы әкімдігінің интернет-ресурсында орналастыруды қамтамасыз етсін.

  1. Осы қаулының орындалуын бақылау Шымкент қаласы әкімінің жетекшілік ететін орынбасарына жүктелсін.
  2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

        Шымкент қаласының әкімі

 

               Ғ.Сыздықбеков          

 

«КЕЛІСІЛДІ»

Шымкент қаласы мәслихатының төрағасы

_________________ Б. Нарымбетов

«______» ______________2024 жыл   

каз
Дата публикации
23 августа 2024