«Шымкент қаласының аумағында қалалық қатынастарда жолаушылар мен багажды тұрақты автомобиль көлігімен тасымалдау тарифтерін белгілеу және Шымкент қаласы әкімдігінің кейбір қаулыларының күшін жою туралы»

«Шымкент  қаласының аумағында қалалық қатынастарда

жолаушылар мен багажды тұрақты автомобиль көлігімен тасымалдау тарифтерін белгілеу және Шымкент қаласы әкімдігінің кейбір қаулыларының күшін жою туралы»

«Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 27–бабына, «Автомобиль көлігі туралы» 2003 жылғы 3 шілдедегі Қазақстан Республикасы Заңының 19–бабына сәйкес Шымкент қаласының әкімдігі ҚАУЛЫ ЕТЕДІ:

  1. Шымкент қаласы бойынша қалалық қатынастарда жолаушылар мен багажды тұрақты автомобиль көлігімен тасымалдау маршруттарына сараланған тариф электрондық жүйе арқылы төлеу кезінде мынадай мөлшерлерде белгіленсін:

1) электрондық жол жүру құжаты немесе электрондық төлемнің қосымша қызметтері арқылы қолма-қол ақшасыз төлеу кезінде жолаушылар мен багажды тұрақты әдеттегі және әлеуметтік мәні бар қалалық автомобиль көлігімен тасымалдауға – 100 (жүз) теңге;

2) қолма-қол ақшамен төлеу кезінде жолаушылар мен багажды тұрақты әдеттегі және әлеуметтік мәні бар қалалық автомобиль көлігімен тасымалдау кезінде – 200 (екі жүз) теңге.

  1. Осы қаулыға қосымшаға сәйкес Шымкент қаласы әкімдігі қаулыларының күші жойылды деп танылсын.
  2. Осы қаулының орындалуын бақылау Шымкент қаласы әкімінің жетекшілік ететін орынбасарына жүктелсін.
  3. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Шымкент қаласының әкімі

 

               Ғ.Сыздықбеков          

   «КЕЛІСІЛДІ»

      Шымкент қаласы мәслихатының төрағасы

      _________________ Б. Нарымбетов

      2024 жыл «______» ______________

каз
Дата публикации
08 февраля 2024