Шымкент қаласының әкімі Ғ. Сыздықбековтің төрағалығымен өткен аппараттық мәжілістің хаттамасы

Шымкент қ.                                      № 2                                     8 қаңтар 2024 жыл

Төрағалық еткен: Шымкент қаласының әкімі Ғ. Сыздықбеков

Қатысқандар: (тізім бойынша)

  1. 2024 жылға арналған тозығы жеткен тұрғын үйлерді реновациялау жобаларын жоспарлау және іске асыру мәселесі бойынша

(А. Кәрімов, Д. Ахметжанов)

Қала әкімінің орынбасары (А. Кәрімов), кәсіпкерлік және индустриалды - инновациялық даму басқармасы (Б. Әзімбердиев), «Shymkent» ӘКК» (Д. Ахметжанов - жинақ), құрылыс басқармасы                              (О. Тәжібаев), сәулет, қала құрылысы және қатынастары басқармасы                      (Н. Жүнісбеков)  қолданыстағы заңнамаға сәйкес:

  • «Shуmkent» ӘКК» басқарма төрағасы Д. Ахметжановтың ұсыныстары қайта қаралып, қосымша баяндалсын.
  • Безделов көшесіндегі №72А және №111 үйлер бойынша жауапты басқармалармен бірлесіп ұсыныс әзірленсін.
  • Реновациялау бағдарламасы аясында бұзылуға жататын үйлер бойынша жауапты басқармалармен бірлесіп ұсыныс әзірленсін.

Орындалу мерзімі: 2024 жылғы 15 қаңтарға дейін.

  1. Абай ауданы: ағымдағы мәселелер және 2024 жылдың соңына дейін даму жоспарлары

(Е. Сейтенов. Б. Парманов)

Аппарат басшысы (Е.Сейтенов) және Абай ауданы (Б. Парманов) қолданыстағы заңнамаға сәйкес:

2.1. Абай ауданының әкімі Б. Пармановтың баяндамасы назарға алынсын.

2.2. Аппарат инспекторлары бақылау барысында аудан аумағында орын алған кемшіліктер бойынша тиісті жұмыстар жүргізіліп, нәтижесі баяндалсын.

2.3. Нұршуақ шағынауданында қоқыс қалдықтары алаңына айналған стихиялық аумақты ретке келтіру жұмыстары жүргізіліп, нәтижесі баяндалсын.

Орындалу мерзімі: 2024 жылғы 15 қаңтарға дейін.

Қала әкімінің бірінші орынбасары (Қ. Асылов), сәулет, қала құрылысы және жер қатынастары басқармасы (Н. Жүнісбеков - жинақ), аппарат басшысы (Е. Сейтенов), Абай ауданы (Б.  Парманов)  қолданыстағы заңнамаға сәйкес:

2.4. Аудан аумағында анықталған 1470 тұрғын үй иелеріне құжаттарын ресімдеу бойынша түсіндірме жұмыстары жүргізіліп, тиісті шаралар қабылдансын.

2.5. Достық шағынауданында өз бетінше иеленіп алған жерлер бойынша тұрғындарға түсіндірме жұмыстары жүргізіліп, тиісті шаралар қабылдансын.

2.6. Қызылжар шағынауданында ескі стадионның жер учаскесін заңдастыру үшін тиісті шаралар қабылдансын.

Орындалу мерзімі: 2024 жылғы 31 наурызға дейін.

каз
Дата публикации
16 января 2024